屯墾戍邊

昨日在報紙看到這篇評論，覺得他寫得非常好，有深度：

香港經濟的改土歸流和屯墾戍邊
https://www.am730.com.hk/column/財經/香港經濟的改土歸流和屯墾戍邊-118895

如果你睇完明哂，係唔使睇我以下講解的。如果睇唔明，我就簡要咁講下。

作者似乎熟讀中史，他指出現時中國政府的政策是翻抄古代對付邊遠地方的管治政策。

「改土歸流」咪即係將「港人治港」变為「京官治港」囉！作者認為梁振英就是初步的京官治港。

「屯墾戍邊」咪即係將中資國企替換香港的民企囉！大灣區概念，就係鼓勵香港的企業返大陸發展，咁國企又可以替換那些走了返大陸的香港民企。鼓勵香港人返大陸住，就可以將國內的人換入香港，最後，大家就分唔清咩香港咩大陸了，反正都一樣！

兩三星期前，蔡英文話中國可能會出兵打台灣，叫國際關注，但我覺得中國不可能會出兵啦，一早用緊「屯墾戍邊」，中國講明歡迎台灣人來中國，完全不限制入境。台灣經濟差，畢業生去深圳返工，人工高過他留在台灣好幾倍，條件吸引，很多台灣年青新一代都去國內就業了。就算老一輩的台灣人如何討厭大陸和 憎恨共產黨，畢竟有死的一日，只要年輕人過去，在大陸工作，自然有可能娶妻生子，再過一兩代，仲點分得清呢！

無論香港或台灣，用「屯墾戌邊」，過幾十年，就不費一兵一卒，全部統一了。