到高小，看書量真的很難保持得住，主要原因是家課太多了！
社會進步一日千里，現在已經踏入資訊科技的年代，但香港的教育，和我們那一代沒有兩樣，只是上學時間加長了，程度教深了，校規更嚴格了，功課更加多了，對小朋友的約束更大了。
我都唔明白何解小朋友仲要不斷抄抄寫寫，其實應該家課電子化，限時完成，這樣就不用將人生都花在家課上。某啲學校係有電子化的，但這些事一定不會出現在天主教學校身上，因為天主教致力維護老土傳統。
不過要香港唔抄寫，除非考試電子化，否則到考DSE，人地寫字寫了十幾年，你間電子化學校冇抄寫，咁答題會寫得好慢，死得。但香港考試要電子化，談何容易。雖然地產代理和保險考試都電子化咗十幾年，但大學入學試真係未聽過有國家咁玩法。
香港中小學生的功課量咁大，學生付出的是健康，個個变四眼仔/妹，還有脊柱病（中國佔人口七成都有，只是嚴重程度不同），點解個個都賴3C產品？我覺得功課先係兇手。功課唔做唔得，做完咁多功課仲邊有幾多時間玩3C啫，咪賴3C啦，功課先係罪魁禍首。
什麼？你唔覺得功課多？你小朋友一定唔係高小和高中。中小學都好，學校初頭三年通常同你客氣啲，一到高小或高中就攞你命咁。
BTW, 講咗咁耐，我係想話，初小或初中的朋友，盡情享受閱讀吧！
沒有留言:
發佈留言