入英文學校還須要看英文節目嗎？

今日和一個在一所英文小學讀的孩子的家長碰面，我講起有給兒子看英文卡通片，她說她兒子不用看，因為他兒子讀的是英文學校，平時老師是以英語授課的，所以就不用額外去接觸英語了。

我想了一想，真的不需要嗎？

嗯…老實說，我自己中學讀的是英文學校，大學的教授也大多用英語授課，但我經常都聽不懂外國人說的英語，為什麼呢？

因為詞彙範圍太窄。 我發現當電視機上面的外國人說的是商業相關的議題，我是很容易聽得懂的，但他們說商業以外的東西，我就聽不懂了， 因為我在大學是讀工商管理的， 商業相關嘅英文詞匯比較豐富，用英語嚟做商業上嘅presentation冇問題， 但跟外國人溝通有問題。

生了兒子之後， 我才由零開始重新學習英語， 原來肚臍嘅英文係belly button， bubu唧 嘅英文係 tickle tickle， 伏匿匿嘅英文係peekaboo！ 以前點會無端端識呢啲英文啫。

以前有上班的時候，有一個沒有讀過大學的同事取笑香港大學生， 連去餐廳叫侍應攞支醋的英文都唔識講， 事實上我見到佢， 見到外國客人又真係溝通到喎！ 雖然英文發音很不標準， 但真係溝通到喎！

所以我的結論是， 英文唔係學校教嘅， 英文唔應該受限於課程， 英文應該融入生活， 睇多啲 生活相關嘅英文節目， 要額外訓練英語聽力。

P.s. 以上所講嘅英文學校， 並非國際學校， 同學都係用廣東話溝通， 如果小朋友讀嘅係國際學校， 連同輩都係講英文， 仲要係native speaker， 咁呢個小朋友應該真係唔洗額外補充英文電視節目 或者有聲書之類。