有兩隻小狗，一隻叫tommy，一隻叫fifi， 佢哋都聽到 一個傳說：幸福係喺尾巴嗰度， 只要你捉住你嘅尾巴，你就可以擁有幸福啦！
於是兩隻小狗，每日都不停地去捉自己嘅尾巴，佢哋不停捉呀捉呀，但係都捉唔到喎！ 只係好傻乎乎咁喺原地打圈，有一隻老狗經過，就問佢哋：「喂，你哋兩個做乜嘢呀？做乜喺度團團轉呀？」於是乎佢哋就將佢哋團團轉嘅原因解釋畀老狗聽，老狗聽完，哈哈大笑，說：「其實幸福的確係尾巴度嘅，但係佢每日都已經緊緊跟住你啦，你仲使咩去捉佢呢？」
唔知大家有冇聽過呢個心靈雞湯嘅故事呢？
但係其實故事未完結嘅，tommy聽到之後就哈哈一笑， 以後唔再去捉自己的尾巴，之後就過住幸福快樂嘅日子。
但係fifi呢？佢冇辦法克服捕捉自己嘅尾巴的慾望，因為佢就係望見自己嘅尾巴，不能控制住自己不停咁樣去追尾巴，雖然老狗講嘅說話佢每一個字都聽得明，但係唔知點解，佢就克制唔到自己呢一種慾望，於是乎佢就繼續不停原地打轉，原地打轉，過住痛苦嘅日子。
睇完呢個故事，你係咪覺得fifi好蠢呢？係咪覺得佢好傻呀？但係呢個傻狗，會唔會就係你或者你身邊嘅人呢？
昨日有個朋友打電話嚟，向我傾訴，話佢個老公點樣唔好，以前又點樣對佢唔好，佢唔能夠原諒，必須要個老公鄭重咁向佢道歉，佢先至可以原諒佢，否則佢一生心裏面都係有一條刺。
如果佢個老公係對佢不忠嘅話，我覺得佢呢個要求好合理！但偏偏嗰啲只不過係生活上大家好多性格唔夾嘅地方，一啲唔能夠互相磨合嘅地方， 既然仔女都有啦，何必再跟跟計較呢，再係咁死咬住自己條尾唔放，又如何得到幸福呢？
小狗Tommy，係一隻理性嘅狗，而小狗fifi，就係一隻感情用事嘅狗。 點解有人天生係理性，有人天生感性呢？係因為佢哋嘅大腦的杏仁核嘅活躍程度唔一樣，天生感性嘅人，杏仁核係特別活躍， 佢令到fifi 不能夠停下來， 忍不住要追逐自己的尾巴。
要擁有幸福，首先不能被自己的杏仁核綁架！
相似文章
幸福自己攞嚟
http://curiousboy2016.blogspot.hk/2017/01/blog-post_10.html?m=1
沒有留言:
發佈留言