Equality and Justice

如果你走入一間天主教學校，你會見到很多團體的東西，很少見到個人的表揚。例如邊一班秩序最好，做Smart abc最多，他們很少表揚個人。

這是我仔讀的天主教學校的壁報板。

上次去「 觀塘瑪利諾書院」（天主教中學），我見佢地都係咁，show學校成績係冇人名的，是一些複雜的數學統計圖，如果家長冇大學畢業，都未必睇得明。連有幾多個同學攞了幾個五星星，都冇show出來。

我知，我明，天主教學校就係咁，唔想搞個人主義，要「公平」呀！不過佢地的公平係equality, 唔係justice囉！

佢地認為「上帝面前人人平等」，所以無論你係過肥，過瘦，定係中間，都係提供一模一樣的飯菜。無論你係叻，就係渣，定係一般，亦提供一模一樣的教育，他們經常都把一句說話掛在口：「咁對其他人唔公平」。如果係一百年前，又真係幾感動嘅，因為個個都係又窮又冇錢，子女都係渣，equality真是會幫到好多人！

但今時今日，聰明的孩子多，人人豐衣足食，我們需要的是justice, 人性化，tailor-made的教育。

不過最搞笑的是，我冇影埋其他壁報，因為上面全是人名，基于私穩，唔可以俾大家睇。嗰啲全部係「 飛躍舞台獎」和「 服務獎」, 多到一籮筐，即是，學校認為，表演和服務是真正值得表揚的，所有與學術有關的東西都盡量低調，亦不見有個人的運動獎項。

各班的頭三，學校公布的壁報板只是用很小的字體登出名字，而且擺放在很高的位置，基本上小朋友的高度係絕對睇唔到的，網頁亦不公布。而拿了什麼環保設計，借書最多獎的，就放大圖片，校長親自頒獎，這是有名字登出來的。

如果你正打算入一間學校，去參觀的時候一定要睇壁布板，如果你小朋友的學術很好，不要選刻意不表揚學術的學校，如果你小朋友是某項體育的冠軍人馬，也不要選只參加團體賽的學校，因為沒有他發揮的空間。

如果你的小朋友很平凡，沒什麼強項，也沒有弱項，即是上圖中排中間的那個，這樣的學校是可以的。

為什麼連弱項也不可以有呢？因為equality就是強的不表揚，但弱的也不能特別包容的意思。