型號和成績掛鉤嗎？

在mbti群組見到呢幅圖表，覺得幾有趣！

首先，座標Y軸的「smart」，代表的肯定係book smart, 唔係street smart. 人人對smart的定義都不同。不過我肯定呢個表講的smart一定唔係伶牙俐齒嗰種，係讀得書考得好嗰種，否則esfp不會在底層。我又覺得呢個smart唔一定係講智力（智力高和成績好未必完全相關），因為佢同其他 mbti的智力數據又不是完全吻合的。如果拿這個來作為「學校成績」的參考指標，我認為頗準，和我觀察到的相近。

至於x軸的nice, 應該是代表「樂於助人」，而mean代表「一毛不拔，唔使旨意佔到佢便宜」，呢個X軸係超準！我仔係intj, 從小到大，想在佢手上攞粒餅都難，記得仔兩歲多時，我答應給他三粒餅，做完事後我只俾了兩粒，他一面吃第二粒時，跟我說：「仲差一粒。」我明明連數手指都未教㗎！為何佢會知？之後的成長都是這樣，他早早已謀算嫲嫲有多少遺產留俾佢，又怕在我手上的利是錢被我私吞。這些我們不可能會教他啦，我們一家都是善良的人，媽媽更是可靠又不貪錢的人，但他總是有「死都唔會蝕底俾你」的傾向。

如果你的孩子是nice那邊的型號，我肯定你的經驗和我剛好相反，你孩子對人人都好，完全不在乎蝕底，這些都是天性！

Y軸冇X軸咁準，因為這裡反映的是小朋友自己的能力，但阿媽未計，小學的成績好睇阿媽跟得足唔足。我就見過成績好過哂intj的istp, 因為呢隻型好谷得，遇到虎媽就如魚得水。沒錯，有些型號很夾虎媽，你唔好話虎媽的教育失敗，端的看母子型號夾唔夾啫！

到底以上的表有什麼應用價值呢？首先可以清楚自己的孩子「本該」在什麼位置的，然後知道距離目標有多遠，從而推測要做什麼行動。

如果孩子是esfp or estp, 放鬆心情吧，努力都冇用，不如安排入讀相應專業。如果是中間位的，要谷，嗰啲係谷得的。如果係上面位的，又係細仔的話，安排大仔入學，咁咩都唔使做都長踞榜首。

有網友兒子是entj, 但佢死都唔聽我勸，一定要細仔入學，因為這個網友是isfp, 悲觀主義者，認為「細仔入學可以冧班冇咁肉酸」，我一睇，entj想合冧班的資格是零啦！而細仔入學，想嬴樓上的intj, infj, intp, entp......應該都好難。咁即是結果是中等成績一直升班囉！學校的獎牌佢應該冇份，冧班都冇份，entj原本係靚料，但配和平主義者的isfp媽媽，折損一半功力，因為他們四個碼正好相反，代表大家的追求正好是相反的，isfp永遠冇法明白「 榮耀感」對entj的重要性。entj和intj孩子要不站在高峰，要不劍走偏鋒，是高危險高回報的孩子， 拿捏不好（例如滿足不到他們要嬴的慾望），就是高智能罪犯。