無沙石的劇集

好戲太多，時間太少。

我呢啲師奶有時間煲劇，不過阿仔冇乜㗎咋，每日都係食晚飯時睇一集電視劇，或兩集英文卡通片。所以，通常有沙石的劇集都唔會睇。咩叫有沙石呢？就係穿插無聊劇情湊時間嗰啲。有時套劇本來幾好睇的，但佢要花時間發展一條同主線無太大關係的副線，那只好放棄了, 例如「好醫生」，到底另外嗰個醫生同佢條女的感情事，同主題有乜關係？

最近 myTV super有「 冒險王衛斯理之支離人」，倪匡的書好睇，都幾吸引我們去開始看，怎料到第三集，個女配角無故要脫衣露bra, 完全同主題無關，我立即certified佢， 果然係王晶出品，必屬劣品。

有太多無關重要的副線的劇集， 像吃包子吃了一口沙， 好難頂！

以下是我認為完全冇沙的電視劇：

大長今（ 阿仔已經煲完，共七十幾集， 是一個龐大工程）

瑯琊榜第1及第2集（ 第一集未睇， 但係睇咗小說， 第2集而家煲緊， 已經煲咗五分一。）

那年花好月正圓

羋月傳

精絕古城（ 鬼吹燈系列，無論係小說定係電視劇，定係電影，99 一律禁止 阿仔睇， 雖然99完全唔知道係乜， 但聽個名都要禁啦！）

射鵰英雄傳（ 2017年版本， 呢個新版本真係好睇過舊版本好多， 速度夠曬明快， 完全冇沙石）

三國

雍正王朝

淨係呢啲都有排睇， 阿仔應該煲到小六都未煲完， 仲要煲英文卡通片呢！