淘煲

屋企個煲湯瓦煲裂咗， 於是乎去樓下日本城睇一睇， 見到普普通通一個煲都會二百幾蚊。 決定淘寶， 擔心了幾日，終於到貨， 擔心乜嘢呢？ 擔心個煲遊景德鎮送到來香港已經爛咗。

個煲真係好靚呀，69元人仔，加運費再 折算為港紙， 大約百二蚊到啦!

蓋子的顏色特別靚！99一見到就好鍾意。 貨品完全冇爛冇裂， 因為個包裝好正， 個發泡膠盒完全做到一個煲咁嘅型， 咁個煲就唔會啷嚟啷去， 紙箱表面都殘曬， 可見運輸嘅時候都唔細力， 但係個煲就保存得好完整， 多得個發泡膠夠厚，形狀夠貼。

貨品來自景德鎮， 出名做瓷器靚。

耐高溫600度， 一年有壞包 重發。 如果個煲用用下爆咗， 我會喺呢一篇文章下面講返呢件事嘅， 如果我冇update到呢篇文章即係個煲冇事。 今晚第一次使用， 感覺良好。

順便 訂了3盒口罩，每盒50個，總共都係15蚊。喺香港嘅藥房係50蚊一盒， 即係買三盒150蚊，價錢相差十倍。 我哋已經訂咗三次， 所以可以話畀你知， 淘寶嘅口罩係ok嘅，質素好好， 我哋訂開嘅牌子叫做「 百佳愛」。