一個備受讚美的任性媽媽

今朝在Facebook看到這樣的一個分享，見留言都好多家長讚揚及支持放養，想拿出來講一講。這個分享係講一個從小「放養」的媽媽。

小二就自己搭地鐵放學，由荃灣去到金鐘。嗯......咁樣，如果你想效法，你要先想想，有一天阿女返唔到來，你的反應會是這樣嗎？

阿女過哂鐘未返，手機又冇開，懶媽對工人說：「阿女今晚應該唔返，你唔使洗佢米啦。」

過了十年，阿女都未返，懶媽對懶爸說：「十年都未見過阿女，唔知佢最近點呢？」

如果你唔見咗個小朋友，係咁樣的，咁你可以做佢做的事。真的，反正你都冇當過佢係自己生的。這個世界，咩人都有，我們接受唔到唔見咗個仔啫，唔代表人地接受唔到。 

通常九成都會冇事嘅，香港人是純良的，但有咩意外，你不後悔就得了！

（我認為起碼小四至小五才可以自己在街上行來行去，香港人多車多，交通複雜，唔係日本。）

有錢就是任性，在模仿佢之前，先問下自己有冇佢咁有錢先啦～

有錢人當然可以「尊重」小朋友的選擇啦，養埋仔女過世都得！小朋友使乜同人競爭，使乜理香港的教育制度呀！

你們看完我寫的，應該都會覺得：「邊會有人冇錢又任性呀？」我就觀察到有非常多！多到難以置信。明明冇錢都好任性，教小朋友鄙視中文，鄙視中國歷史，鄙視文言文，鄙視中國人，但明明佢的人工送唔到仔女出國㗎喎！長年累月咁鄙視法，中文學唔好，英文又唔見得勁過人，只係好過中文少少，咁點讀到本地大學？

唔通到時賣樓賣底褲送個仔出國？

原文：

https://www.hk01.com/%E8%A6%AA%E5%AD%90/173690/%E5%B0%88%E8%A8%AA-%E5%BE%9E%E5%9F%B7%E6%9B%B8%E5%8C%85%E5%88%B0%E9%81%B8%E5%A4%A7%E5%AD%B8-%E6%87%B6%E5%AA%BD-%E6%94%BE%E6%89%8B%E6%85%A2%E9%A4%8A%E5%9F%B9%E8%82%B2%E5%AD%90%E5%A5%B3%E7%8D%A8%E7%AB%8B?utm_medium=Social&utm_source=fbpost_link&utm_campaign=mama