家中地板上的歷史

兒子小時候不太喜歡動，我利用用他喜歡車的特點，在家中的地上貼了一條「路軌」，然後叫他揸玩具車來來回回跑。

當年的「一時衝動」，到了今日就大鑊了，D膠點整都唔唔甩。一直逃避這個問題，但老公終於宣布，要立即整乾淨，因為我們要搬家了！

爸爸說要買天拿水才搞得掂，但又怕有毒，兒子宅在家又怕傷害到他的神經，怎辦？

於是我搵到一條 youtube 片，說小蘇打加清水可以搞得掂，家中淘咗大量小蘇打，立即試試，估唔到真係得喎！

睇下，光潔如新！

秘訣係用時間，用小蘇打加水浸住污垢幾小時，用硬膠刮走。

當年第一次做阿媽真係咩無聊東西都買，其中一樣是門柵，不讓BB入廚房。後來覺得出入又開又關太煩，拆了，在地下貼一條黃線，對BB說：「please stand behind the yellow line. 」佢真係不會入廚房喎！

以為自己很勁，點知入了幼稚園，她們連黃線都冇貼，小朋友從來不會闖入茶水間。校長解釋說，只要每次都跟小朋友不能入去，那裡危險，小朋友就不會進入。只要指令清楚，小朋友是很自律的。

的確是這樣，有門柵時，我兒子子會想辦法闖一闖，但什麼欄柵都沒有時，他真的沒興趣入來。