今年的第一次游泳，拿出阿仔的泳衣，嚇了一跳，竟然已殘舊至透明？！這件泳衣穿了兩個泳季而已！我記得我小時候，一件几十元的泳衣，閑閑地都可穿幾年! 穿到不合身時還很新淨。阿仔這件還要是百貨公司貨，不是街邊貨呢! 不過，我怀疑是，我小時候游泳多數去海滩，阿仔大多數去泳池，而且暑假他去得密，泳池的氯和漂白水，令泳衣急速退化!
以後見到這些廸廸尼公仔的，還是不要買。我每次都和阿仔一起游，但我件arena雖然有退色，卻毫不變型，也沒變薄! 所以泳衣還是有質素之分的！
於是，我叫99以後也不要幫阿仔買泳衣了，我給他穿這身冬天泳衣，不知有多堅固耐用，不退色不變型！雖說是冬天泳衣，但反正浸在水中也不會熱，而且防曬更強！不過這件泳衣有一個不夠好的地方，就是並非長袖，早知買長袖的(當時老闆說厚泳衣如果長袖會不方便活動，但最近太晒，搞到阿仔前臂脫皮，又黑麻麻的，不好看)。
小朋友係咁兒游下和成日游，選泳衣的考慮完全不同，如果游得密，即一星期二至三次，應該買厚泳衣才划算！
此外，買兩件頭的會比一件頭更耐用，因為小學階段的小朋友長高快，但肥卻很慢，上身通常可以穿許久，但下身很快不合穿，所以，如買兩件頭的，只換下身便可！如果買主色調是黑色的游泳上衣，下身怎樣換都不會不好看。
6 則留言:
係啊，我都以為泳衣咁少機會著，好難用得殘，點知原來會自殘。。。ha
不過我件Arena, 閒閒地都著左五年，又真係無事喎。
而漿漿呢，人仔細細已有四套泳衣，連身戈兩套早已唔啱著，兩件套的就仲有排著。其實我都係俾佢著喺屋企玩水，所以好新淨：P
咁arena在那買的？
八佰伴咪有囉！碼頭戈間。。。長年五折
哦
我一直都覺得泳衣係著唔殘的，same as you！不過今年一睇，竟然殘成咁，我才知道，以前着唔殘係因為去得泳池少!
我那件arena係身用厚料，袖用薄料的，真係又耐用，又防曬，又不阻手部活動，但呢D款，好少見有小朋友款，係大人穿的。
通常小朋友都係穿上面果隻goma，在泳池所見。
不過如果小朋友係游得唔密，真係咩泳衣都会保持到新淨。
發佈留言