英皇書院化學課

在英皇書院的兩日化學課程完結了，兩日共上了十二小時課，很密集，連我們做家長的都累了，雖然是一面玩手機一面等接仔仔食午餐和等放學，但都覺得累。孩子反而ok, 因為個課程有得做實驗，小朋友都很喜歡，覺得好正。

這間英皇書院真係好classic好靚，果然係名校。阿仔話佢地仲播了介紹學校的影片，自稱係「 醫生的搖籃」，哈哈…阿仔話佢地都幾hard sell佢地學校。

個課程是如何的呢？完全是英皇書院的中學化學課嘛！連啲notes都是全英文的，上課全英語，周圍的helpers都是英皇書院的學生。因為有好多化學方面的生字，我都怕阿仔聽唔明。第一日回家我拿着notes續個字問阿仔，佢真係唔識解，我心想大鑊了，明天課程結束要即場測驗，肯定全份卷都是英文的，到底阿仔會否不合格？

結果阿仔合格了！我叫阿仔去問他們何時公布結果，他們立即拿了阿仔份卷即場睇過，佢地話一定合格，我們總算鬆了一口氣。

似乎只得我緊張合格與否，其他家長早就走了，為什麼我重視呢？因為我覺得唔合格下次可能報不到相關課程，但我見阿仔真係好喜歡囉。

說來汗顏，我仔係咁多個小朋友裡最古怪的。

人家做實驗，他（粉藍色者）走去研究人家的sink盤。

人家做這樣，他走去研究另外一些東西，合作性差。不過人家做的實驗過程及結果，他又知得清清楚楚。我認為他應該是貪心，他發現自己已經跟到教緊的東西，就會不停發掘非課程範圍的東西，目的是「 舐到盡」。

我想，可能他將來要揾一份較獨立運作的工作。天生我才必有用，總有工作適合這種怪人吧！

在場的老師都很包容，沒有罵阿仔，我在課室外還見到老師問他搞什麼，阿仔問完，老師有答。中學真的比小學寛鬆很多！期望快點可以上中學！