前青春期

人人都知道青春期孩子生長得很快，其實生長得最快的時期不是青春期，而是「前青春期」，即是9至12歲，亦即是我兒子現在的年齡。

每次嫲嫲一星期不見他，就說他高了，我笑說有冇咁誇張呀！

高就肯定是高了，速度快得看得見，感覺得到，最誇張是食量明顯增大，我兒子這一年突然吃很多肉，阻也阻不了，尤其紅肉，一塊牛排被他吃了三分二，他搶着吃呀！但對飯和菜則一般，慶幸還是肯吃的，否則就失去了飲食均衡的生活習慣。

據我所知， 也有一些孩子，就算前青春期也不太有胃口，可能那些孩子已經習慣了不吃東西吧， 但他們還是會長高得很快。

如果你的孩子已經進入前青春期， 記住要畀佢食鈣片， 尤其是係女仔， 要喺呢個時候高得快啲（ 家族遺傳已經超高的例外）， 因為女仔一旦月經來潮， 就會停止長高， 這個是我當年的經驗。 我老豆話： 「你高得咁快， 容乜易變成高妹冇人要㗎， 以後唔好食鈣片啦！」 咁就造成我一世嘅遺憾，矮得得。

男仔就更加要食多啲啦， 男仔高高都唔嫌高啊！（ 我咁嘅高度， 個仔高得去邊呀？ 哈哈）