觀察力和數感

有一天在麵包店買麵包，我問阿仔，買左邊那一條過的法籣克福腸包，還是右邊那個分成兩條的蜜糖腸包? 價錢分別是$9和$8.2。

阿仔說:「法蘭克幅腸包比蜜糖腸包長1/3，而價錢只係貴8毫，所以要法蘭克福腸包啦!」

我說:「係咩?有長1/3咁多咩?」

我不信，用夾夾起來拼一拼！天呀，真係長咗足足1/3！！

放平時，肉眼真係好難睇得出啊! 因為不同角度和遠近，包的大小都好像不同！阿仔話佢係觀察條腸仔，腸仔長D，個包自然係長D!

我看落两條蜜糖腸加起來便如一條法蘭克福腸，但仔細度後真的是法蘭克福腸長1/3。

不好意思夾住人地D包影相，所以求其影兩張。

其實麵包還算是容易比較的，因為平面的，我最怕去比較魚和雞，經常去超市買食材便要使用這類能力！天呀！那些食材是立體的，例如一尾急凍魚，它細條一點但又厚身一點，用肉眼，怎比?

還有，選芋頭要輕身，選西瓜要重身，但我發現，什麼東西去到我的右手都比左手輕，因為我右手大力過左手!

比顏色算最容易了，深一些淺一些，一目了然。

我發現，這些比較東西的本領，對我家那三個高敏者，是沒有什麼困難的，他們天生觀察力很強。

如果你也想你的孩子長大後有這種觀察力，可能在幼兒期用蒙特梭利的感官教具去訓練他/她。

別問我什麼是“蒙特梭利的感官教具”，要知道的朋友，自己去google一下，或去YouTube找教學影片。