凍要加衣是Common sense

我認為冬天着多啲衫係common sense, 不過好多人都冇common sense的。

最近名校secrets好多呢啲posts,差不多日日都有新的，天氣寒冷，但好多學校想盡辦法唔俾學生穿羽絨，有校長甚至認為學生穿街褸的行為是「求偶」，我實在很難理解。但校長老師自己又著到隻糭咁。

無論咩原因，十度以下俾人穿夠暖，這應該是人權吧！所以當見到有學校十度以下還要學生穿短褲，我真係覺得很過份。如果十度以下穿得少是一種教育，一種磨練的話，校長老師必須以身作則，不要站在道德高地指手劃腳。

家長亦是，說不用穿那麼多的家長，一定要自己把大衣脫下，感同身受。如果家長自己不怕冷，我信他的孩子有他的耐寒基因，如果冇，孩子得肺炎都係家長自己受苦，要擔驚受怕，要照顧孩子。

不過，學校真係冇權咁做，個小朋友凍病咗，老師校長冇負責任，所以不能讓他們這樣做，教育局應該有指引才對。