派位笑看風雲

六月三日是我兒子九歲生日，實在心情矛盾，又希望他快高長大，又唔捨得佢大，再過多兩年他便開始發育了，我有點戰戰兢兢，不知如何面對他的青春期，好像都沒有聽親友說過青春期的問題呢！實在太多未知之數了！

湊巧這天亦是小一派位的日子，往年其實我都想跟網友說一兩句話，但年年正好阿仔大考，我唔得閒，今年其實也不例外，但我總算記起了有話要說。

派得好的博友盡管去慶祝吧！派得不好的，我希望大家保持「笑看風雲」的心態，不要在孩子面前失儀，千萬千萬別說將要入讀之學校的壞話！否則，如果扣門失敗，孩子真的要入讀非心儀的學校，將會為孩子帶來心理包袱！其實孩子最信任媽媽，媽媽說好的便是好，媽媽笑他就笑！

其實媽媽心儀的學校和真正好的學校未必相附的。家長喜歡那間學校，可能只是俾人sell咗，又或者只是被名氣所迷惑，學校是否適合小朋友真是要讀過才知道的。至於那間學校的成績好不好，升中是否理想，也不一定如你在網上看到的數字咁簡單。例如A學校成績是區內最勁，但原來佢返學時間多人地一小時，功課多人地三分之一，咁入到最勁嗰間分分鐘有排捱，入唔到反而逃過一劫。

我真心覺得，是金子的，在那裡也發光，學生是否有成就，唔係睇佢入那一間小學，而係睇家庭教育。上到中學，學校的重要性才提升，到時才緊張都未遲，小學階段，其實唔係咁重要，反而就近上學最重要。

說穿了，小學生仲係半個BB，多休息多閱讀比什麼都重要。最吊詭的是，分分鐘入到間無咁勁的，容易名列前矛，考中學時容易入到理想中學。