蝦佢唔到

阿仔成8歲，都重係週屋都係玩具文具，叫佢將文具集中在書台，叫咗几年！

只要佢經過嘅地方，就會杯盤狼藉！

咁我咪話：「只要係文具不在書枱，畀我搵到一件，打一下手板！」

 治亂世用重典，因為我已經好聲好氣咗幾年。

點知講完唔夠幾分鐘， 又畀我在其他地方找到一支筆 和一舊擦膠。 於是，我就用間尺打咗佢手板2下， 個衰仔立即畫咗兩幅畫來回敬我。

紅色嗰啲係血， 這把間尺叫做鋒利牌間尺。

畫的背面，仲要寫上香港警察檔案編號，即係話我犯嘅係嚴重罪行。

打咗兩下手板仔啫，使唔使咁誇張呀仔！ 咁識投訴，實冇人蝦到你。

By the way, 呢兩日真係唔再見到周圍都係文具囉喎! 唔知可以維持到幾耐呢?