尖子生的作文

前兩日一篇文章講到參觀大陸圖書館， 我在哪裏發現有很多作文書， 其中呢一本令我留下咗深刻嘅印象。 我覺得佢特別， 原因係香港冇呢一類型嘅作文書。 香港嘅作文書通常都係大型作文比賽裏面嘅集合。 而呢一本，文章唔係來自大型作文比賽，而來自內地嘅高考。

香港唔會有呢一啲， 例如dsc狀元作文集之類， 因為香港好有私穩嘅意識， 高考嘅考卷可以話得係非常之保密，香港考試局唔會出一本咁嘅高分文章作文集， 因為冇任何嘅動機去咁樣做， 佢哋甚至怕以後的考生會抄襲這本作品集裏面嘅作文。 如果真係有出版社 出版咗呢一本咁嘅作品集， icac一定請佢飲咖啡！ 因為考卷係高度秘密。

但係大陸就唔一樣， 佢哋冇乜私穩嘅概念， 如果你知道某人買嗰層樓係邊個單位，阿豬阿狗都可以查到業主個名和售價等資料，你話係咪完全冇私穩概念呢？

由於文化不同， 大陸絕對係可以買到高考考生嘅高分考卷， 政府亦都未必會追究， 因為賣資料出嚟嘅分分鐘係高官， 哈哈！

我睇過呢本作品集， 每篇文章風格都唔一樣， 而又寫得極好， 睇得出係真卷， 唔係求其請個槍手作一百幾十篇登出來嗰種。

我是旦打開睇咗幾篇， 印象深刻。

呢個題目係： 這是一種xx

呢一個考生語文根基真係好好， 佢喺文章裏面引經據典， 用咗好多古代嘅例子， 來解釋佢對愛情嘅觀念， 當中好多文言文嘅句子， 佢一字不差咁背咗出嚟而運用咗喺文章裏面， 但並冇堆砌嘅感覺， 可以話得係揮灑自如！ 在廣泛嘅閱讀裏面， 佢係有自己的真知灼見， 否則很難寫出這樣一篇情理並重的文章。

同一個題目， 這個考生又是另一種完全不同的風格， 你睇得出佢嘅閱讀範圍並非中國古代嘅歷史和詩詞， 這點和上一個考生完全不同。 他的閱讀範圍是外國 一些人物傳記，或者一些雜項趣事，佢將佢閱讀所吸收嘅嘢，大量融入咗佢寫嘅文章度，豐富有趣，目不暇給，最緊要係能夠帶出主題，帶出佢自己嘅獨特見解！

睇完中國尖子考生嘅中文作文， 覺得真係目不暇給。 這本書仲有試題分析， 就係仔細咁講解一下，唔同類型嘅作文題目應該點樣拆解。 下次真係要淘番一本， 好好珍藏！