要求咗好多次，我老公終於肯帶我去睇下大陸嘅圖書館，我對大陸嘅圖書館感到好好奇， 到底佢哋有啲咩種類嘅書呢？佢哋有冇英文書呢？ 有冇電子書呢？大概一個省 或者一個區域有幾多間圖書館呢？
原來數目都唔少，淨係小小一個開發區，已經有14間圖書館。
不過書的種類係唔夠香港嘅多， 起碼佢哋極少英文書。
呢一個係叫做少兒圖書館， 即係主要供應少年同埋兒童 的書籍， 大人的書比較少。
佢哋都有唔少漫畫， 而果啲漫畫係香港圖書館冇嘅，因為比較娛樂性豐富，唔係嗰啲益智漫畫。
佢哋都有圖書館app，可以下載電子書嚟睇，說到科技呢方面香港係比較落後嘅。 香港圖書館嘅電子書， 其實係幾悶㗎，大陸呢個我未正式登入去睇過，不作評論。
不過話香港科技落後， 係因為我去到每一個地方， 見到大陸使用科技嘅情況係比香港先進，佢哋連普通一間餐廳都會有wi-fi覆蓋，可以電子點餐，而家佢哋用微信可以租單車，可以落單 點餐，可以埋單，可以買車票船票..........。
呢部份係兒童閱讀閣，藏書量更加少得可憐，證明佢哋對幼兒期嘅閱讀並不重視。 佢哋係少年期先至開始閱讀，所以佢哋收藏咗大量嘅作文書 佢哋係為咗作文先至閱讀嘅，哈哈！
今次我知道咗一個好消息，原來大陸而家都有九年免費教育啦！ 咁應該山區嘅小朋友都會有書讀啦！ 真係可喜可賀！我認為人一生，如果沒有受過教育，是最大的遺憾。
有咗圖書館， 我個仔暑假時， 我就唔使花好多錢去淘大量書畀佢睇。 真係好彩， 我從來都冇阻止過我個仔去學簡體字， 所以我個仔睇簡體字同繁體字係一樣嘅， 如果唔識簡體字， 咁呢個圖書館就與他無緣啦！
4 則留言:
大陸果個9年免年費教育我都聽過，但我聽果陣話唔係全國實行，係某幾個省才有，唔知而家係咪呢？
其實我唔鐘意圖書館有果D無謂漫畫，因為我仔一見到漫畫就一定唔理其他書。
在農村，自2007年以後中小學九年教育為免費，而廣大農村地區卻很少設立初中，如在貴州、四川、陝西等的山區地方，學校稀少、學生分散，學生每天要走十幾公里路上學。
（ 在網上查到的， 佢哋農村都有九年免費教育， 但係啲學校依然係好遠 數目唔夠）
相比於香港嘅圖書館， 國內嘅圖書館管理係比較鬆懈， 香港圖書館就好少入呢啲無聊漫畫， 佢哋啲漫畫通常都係有教育意義。
發佈留言