每日播英文卡通方案

如何令孩子提高英文聽力呢?

今日和兒子做了兩份英文聆聽練習，都100分!

之前他通常都錯一两題的。

我覺得可能佢最近睇得英文卡通多有關。

我係咁樣播卡通的，先睇一次中文，再看一次英文有字幕，再看一次英文無字幕。每日看一次，一隻碟看三日。

播DVD技巧，小朋友和BB是不同的，BB可以直接播英文，小朋友就要先播一次中文，再播英文。

一套碟盡量睇到熟才轉另一套，因為轉來轉去，原本適應了的腦部又要重新再適應，咁反而聽來聽去都不明白。

我老公話我做乜成日都播神奇校巴，搞到佢咁沉迷，我講極佢都唔明。呢D野唔係我吹水的，係睇完好多資料才綜合網上英文老師的意見的。

佢地都話，唔明的東西，睇一千次都唔明，要先睇中文，明咗再反覆睇英文，發現重未明哂又睇返中文加字幕，再睇返英文。佢地同一套片睇好多好多次!

我仔在幾個月下來之後，英文聽說都有明顯改善。之前D英文好似無哂D尾音咁，而家出返哂來，而且D“r”音好清楚。即係friend不會讀成fan。