淘眼鏡架

因為配Dims眼鏡，淨係鏡片已經3480, 所以其他配件我慳得就慳，肉赤嘛。我樓下那間眼鏡鋪貴到離哂譜，求其一副小朋友眼鏡架都要九百幾元，我話太貴，佢說打個七折俾我，都要收六七百元，於是我干脆自攜鏡架。

我係第一次去淘宝淘鏡架的，大陸人少近視，所以貨品選擇唔多。佢地冇韓國兒童眼鏡架賣的。於是我淘了什麼眼科医院專用的矽膠兒童眼鏡架。

我見樓下都有提供這種矽膠鏡架給我選，都係標九百幾，於是淘了一副差不多樣子的，連運費都係92元人仔咋！

店家名稱。

我初時不喜歡這種矽膠眼鏡，是因為他五顏六色又低B樣。但真正使用之後，我就改觀了！

第一，佢樣子笨重，但原來唔重的，矽膠係輕的。

第二，佢真是適合粗暴的男孩，我仔教極，除眼鏡都係大大力單手扯落來掟在枱面，重要經常鏡片朝枱面直接放。一副新眼鏡，唔到一年就被他搞到螺絲都鬆了，不住滑向鼻頭。但矽膠眼鏡真係完全承受到這些粗暴對待，毫不變形受損，天然彈弓臂，拗來拗去都自己回復原狀， 能屈能伸。還有是它不能叠起，放在枱面時，阿仔一定不會鏡片朝下和枱面摩擦，咁副鏡片就可不被磨花。

第三，如果損壞了，隨時淘過一個一模一樣的新貨替換，連眼鏡店都不用跑多一趟！你知啦，減近視眼鏡可能一副用四年，鏡架一定會變舊，到時又要去配，如果叫眼鏡店只換架不換鏡，通常鏡架佢會收貴啲。

配這款眼鏡一定要正式驗眼並有報告的，我樓下收520元，我嫌貴，去盲人輔導會驗，收180元。

180元和520元的驗眼有什麼不同？我個人認為是服務態度不同，還有驗眼報告的詳細情況不同，至於度數，兩個價錢都一樣係準確的。

我覺得詳細驗眼其實一次就夠，例如冇色盲，一世都唔會有，唔會無端端下年有的。只有度數是會轉變的，其他不會轉變的東西，唔使每年都去驗一次。盲輔就係，驗過冇的動作不重覆，次次去都是驗度數，不會做多餘嘢，所以價錢會平一點。至於服務態度，就係睇彩數，之前遇到的男視光師很nice, 有問必答，現在換了個女的，什麼也不答。-__-

P.S. 記得淘鏡架要看清楚尺寸，就算小童鏡都有分大童中童幼童，每一個尺寸長闊高都要看清楚，並和現用的鏡框作對比。