蘋果自由

終於輪到在拼多多嘗試買生果。

我個仔超級喜歡吃蘋果, 所以第一次嘗試買生果, 就買咗蘋果。

其實我同時買咗蜜瓜, 但佢拖咗成個禮拜都唔肯發貨, 睇嚟佢知道送到香港可能會爆裂, 所以唔肯發貨等我自己退款, 所以以後我都唔會再嘗試買蜜瓜。

收到嘅貨裏面有16個蘋果, 其中有一個爛咗。其他都ok！

我買嘅係特大果, 但係佢畀我嘅有大有細😅😅😅, 上圖係最大嘅蘋果同最細嘅蘋果對比。

味道方面係一個正常嘅蘋果味, 其實有啲失望, 因為我買嘅係新疆糖心蘋果, 我以前喺中山曾經食過, 覺得好好食, 但係佢送過嚟嘅貨, 擺明係一個普通嘅富士蘋果。🙄🙄🙄下次我會試在另一家買, 有可能會買到真正嘅新疆蘋果呢！又或者試下洛川蘋果、煙台蘋果......

香港買呢一批蘋果嘅話, 在佳寶買, 大約28蚊四個, 而家54蚊人民幣有九至十斤, 大概16個, 咁都平咗一半嘅。所以將來都仲係會繼續買, 以後蘋果唔使慳住食！

昨晚我仲用咗兩個蘋果嚟煲湯, 由於呢啲蘋果產地直發冇打蠟, 用來煲湯可以唔使削皮, 洗乾淨就得喇！

下一次會買橙子, 這個東西更抗跌又可以放很久, 全家也喜歡吃。