自由自在買買買

以前惠康有一個宣傳廣告「買得多慳得多」, 我覺得好好笑, 在惠康只會買得多洗得多, 雞碎咁多折扣又點可能慳得多呢！

不過惠康做不到的是拼多多做到了！我最近真係發現係買得多慳得多, 原因係我沒有買超市的貨物係慳咗, 另外我買咗食物, 然之後少了出去飲茶又慳咗。我出去酒樓飲個下午茶一餐都200蚊, 在拼多多買30件貨, 都係咁嘅價錢。如果買咗嘅係食物, 咁自然要喺屋企食, 就會少咗出去飲茶。這是昨晚我研究我的微信支付統計數據發現的。😂😂😂

這兩日真係特別焦慮, 因為米米身體剛剛好返, 但係功課時間非常趕, 我幾驚佢做唔切呀, 好在尋晚終於喺十二點deadline前做完, 終於可以鬆一口氣！但係聽講今晚又有一份deadline。😭😭😭由於我已完全幫不到他的功課, 我只好在一旁焦慮。

為咗緩解我嘅焦慮, 我又在拼多多買咗三十幾件貨！我發現互聯購物真係會令我開心咗！減咗壓！😹😹😹我發現有了拼多多, 我真係好自由自在, 因為自由就係鍾意買咩就買咩！由於上次買咗太多食物啦, 食唔切, 今次我主要都係買來緊夏天要穿嘅衣服, 還有護膚品等等。

我天生好奇心重, 中國大陸嘅貨品種類很多,有很多新奇有趣的, 我可以慢慢試, 試新嘢都係一個開心嘅探索過程, 雖然有時會中伏,但係有驚喜嘅時間亦有好多, 由於拼多多嘅物品太平, 就算買錯咗都冇乜所謂, 所以我從購物中得到快樂。

美國人經常都話自己幾咁重視民主自由, 但係他們嘅物價好高, 不可能喜歡買什麼就買什麼, 很多人已經刷爆了信用卡, 連minimum pay都還唔到, 何來自由可言？然後他們走出街又可能遇到槍擊案, 搶劫案, 晚上更加不可以外出, 外出的交通費也很貴, 自己駕駛的話汽車燃油費也越來越貴, 所以根本完全沒有自由可言。

真正嘅自由, 是喜歡買什麼就可以買什麼, 喜歡去哪裏就去哪裏, 喜歡什麼時候出門就什麼時候出門, 難道不是嗎？

我在香港完全做到, 在中國大陸生活的日子也完全做到, 所以我認為中國比美國更加自由。

最近有一個3700萬粉絲的youtube網紅大v甲亢哥來中國旅遊並進行直播（好像是大明星王嘉爾邀請他來的）, 他驚嘆中國竟然wi-fi這麼強, 連高鐵在地下穿梭時也不斷線, 真係上網自由！全世界只有中國做到。