以下這個是DSE和GSE（AL）的對比，表面證供顯示考GSE攞好成績容易過考DSE，而且GSE冇死亡之卷：中文及通識。不過有網民話唔可以咁比較，因為考GSE的，已是精英，學渣已於Igcse淘汰，成績自然會好過DSE的考生。但本人是數字化的人，看完下面數字，我深信GSE是比DSE淺，因為GSE考生沒有比DSE少，世上那有那麼多精英？
https://www.edu-kingdom.com/forum.php?mod=viewthread&tid=3170034
另一邊廂又有人比較DSE和IB, 同樣顯示IB的狀元率高過DSE，中文科的狀元率高過DSE 20倍（真的嗎？），睇完我都唔清楚邊個易考啲，因為啲人又係話精英先讀得IB,咁狀元率高都正常。
陸子瑋：Non-JUPAS 簡單？升學捷徑？先了解清楚，再三思而後行
http://www.thinkhk.com/article/2018-09/12/29426.html
我覺得考邊個試真係好睇家庭的支援在那一邊較強，還有是孩子的個性，例如屋企個個英文好水皮, 冇人支援，就唔好搞IB. 孩子如果外向坐唔定興趣多，IB係更適合，因為做project和presentation計分，做義工又計分，有突出課外活動又計。淨係識死讀書嗰啲，例如我個仔，真是唔好行IB.
4 則留言:
我覺得到中學就好多嘢唔同咗，起碼個仔唔會任我點，而且真係見到讀書的真功夫，小學成績好，到中學真係未必一定好，因為讀書方法同小學唔同了。所以可以的話，我會選間中學唔只有DSE考，也會有IB或GSE，起碼有多個選擇。
咁依你睇，generally,到底考邊個試着數啲呢？
我自己就覺得GSE好似比DSE易D，（以我見我姪女佢依家讀GSE的課程，但易很多？又不見得是，都係好多好多嘢要讀。）但都係我自己一相情願嘅諗法，1.除非學校本身行IB，否則到高中先選IB或GSE課程首要是成績好，唔係你想讀就可以讀（我唔肯定全部學校都係，但SPC和SPCC都係）。如果本身成績好，跟本讀DSE或GSE都冇太大分別，表面是想避咗死亡之卷中文，但其實主要都係打算出國讀書，尤其是想考外國D名大學。2.小朋友是否想出國讀書呢，我個仔諗到要自己煑飯洗衫，即刻話唔想住。
所以點到我想佢讀乜呢��
回顧我的前半生，在25歲做的重要決定全部是錯的，25歲後全部是對的，所以我覺得人生經驗對make decision十分重要。我阿媽乜都唔識，我從小乜都自己決定的。因為我自己的經驗，所以我冇打算將考那個公開試，去唔去留學的問題交給阿仔。我們收集資料，認真想清楚後，就將分析及結果話俾佢知，並說服佢。我相信我和仔的溝通夠好的話，不會有分歧，因為我們都是理性的。
發佈留言