氣炸兩面黃

 

在氣炸群見人用氣炸鍋整兩面黃，很容易，於是又試下。

先將雞蛋麵淥熟，然之後攞去160度炸脆。

淋上你喜歡的餸菜，有人淋排骨炒菜心，有人淋冬菇炒肉絲，我就淋了一個酸甜排骨。

老公大讚好香脆，好好味！

但兒子就.......

仔：「點解呢樣食物咁古怪嘅？」

媽：「唓，兩面黃之嘛，你未見過咩？」

仔咕噥，被迫無奈接受新菜式。

仔説：「下次可唔可以淨係要炸麵，唔要上面個D嘢。又或者分開兩碟。」

果然是minimalist.

唔擺嘢係噉嘅樣。