香港的圖書館是懶人國

每次去圖書館，都總俾佢地激到死死下。

香港的圖書館經常很反智的，它騎尼又死板的政策超多。

最近兩次俾佢激死的情況是：

1. 唔俾還書

疫情爆發後佢地就乜Q館都關閉，然後我要搬屋了，我冇理由將手上24本書搬去新屋架！每一個紙箱都要計錢的。於是打去問可否放入圖書箱，佢話圖書箱都關埋了。我激到紮紮跳，你們個個月出糧，然後一句疫情就回家睡覺，合理嗎？你不讓我們在圖書館流連，我可以理解，但沒有理由連還書都不作處理，那不是借疫症偷懶嗎？可能被我罵得太厲害了，圖書館的圖書箱終於開放了。大家現在在圖書館閉館期間，仍然可以使用圖書箱還書，可能要多謝我。🤣🤣🤣不過我去還書嗰一日，又見到有人去還，在我前頭把書塞入圖書箱，聽到書跌下去的聲音，書箱快滿了，我估計同我一樣發爛渣嘅人都唔少，否則佢哋點會即刻知道，圖書箱開返呢？

2. 唔肯收返圖書證

我爸爸過身了，我將他的圖書證歸還，但圖書館不肯收，要我提供死亡證。我又不是來拿遺產的，只是盡公民責任，為什麼我要提供那麼多證件呢？如果你懷疑那個人根本未死（但係佢又立即向我追收3元欠款，我采佢都傻，除非她交證據證明我是父親欠款的担保人），你可以先收起佢嘅圖書證，然之後等嗰個人嚟攞返架！當係遺失證件噉樣處理咪得囉！但她就是不肯收回，叫我自己處理。

如果佢噉嘅做法，人死了，家人告知但又不作紀錄，即是香港有好多圖書證是空號，那些人領了政府俸祿，懶到隻狗噉，乜都唔做。我當然不會自行處理我老豆那張圖書證了，我留住，見到那本書喜歡的又絶版的，就用它借了，一世都唔使還。哈！哈！哈！！仲可以借八本！🤣🤣🤣

香港圖書館真係好官僚主義，死板，不靈活，懶惰。

這衹是其中兩個例子，例子多得我忘了。