齊齊來scratch

Scratch係小朋友編程的入門，大家有聽過嗎？

兩星前，阿仔的學校帶了STEM小組的學員去「 JC運算思維工作坊」的活動後，派了幾張notes, 我才知道原來平時在家可以俾小朋友自己玩scratch.

見阿仔玩得咁好，我就覺得自己太豬兜，原來網上免費有得玩，我一直都唔知！就咁打scratch, 第一個出現的就已經係了！

https://scratch.mit.edu

打開條link已經可以開始玩，如果你真係很恐懼新科技，你可以去圖書館借啲scratch書睇下，for小朋友嗰啲，壓下驚，見到幅幅彩圖就唔會驚的了！

如果真係好想有人教，留意以下網頁，有時會有搞俾小朋友玩的scratch, 費用全免，網上報名，出發前一天佢會發email提醒你。

http://www.hochk.hk/2018-upcoming-schedule
（全定期更新的）

如果你睇完我呢篇，覺得科技嘅嘢，第時佢大個先學啦，咁你就錯啦！越早學越好，原來大學才開始學編程的人，是永遠都追不上小學開始學的人的。

我是從這本書看回來的：

學中文是為了和中國人溝通，學英文是為了和外國人溝通，學編程就係同電腦溝通囉～

你話大學先學英文的人，有乜理由會叻得過小學開始學的那些人？

成功申請資優課程

今個暑假幫阿仔申請了四個資優學苑的課程，見上表，第一個係電腦編程，阿仔被後備取錄，數學阿仔被狠狠地decline咗，所以各位的兒女，平時數學同我仔差唔多level的話， 就應該冇機會讀呢啲課程了！

幸好有兩個課程係正取生，就係人文學和科學課程。人文學就問你對香港文化遺產的見解，科學就叫你寫流落荒島，身上只得一粒電池的生存方案。

佢地的課程五花百門，個個課程的甄選題目都唔同。總之以實力爭天下，咁父母可否幫拖呢？答案係可以，不過你出盡力幫拖，人地其他會員的父母也不是吃素的，人家一樣幫，說到底，都係鬥家庭support. 只不過你小朋友如果完全唔明你幫咗佢啲乜，連你的答案也不理解，咁上堂之後嗰個考試，佢係會唔合格㗎！唔合格係會被扣代幣㗎，扣哂以後就冇得玩的了！相反，如果合格就加你一個。In a nutshell, 強者才可以繼續參與程程，費用全免。

電腦課程係我仔至愛，佢係後補位，我試過寫email去求情，但佢地回覆係「冇得傾」，佢地後補位中都有排名之分，絕對跟實力輪位，冇情講！

雖然係殘忍啲，但又真係夠公平囉～

我們在幼稚園和小學入學時，乜都好睇家長「誠意」，講呢啲，我真係唔夠人識做，又唔夠人識得人多，所以我冇成功過。

今次資優學苑話只講實力，我仔反而真係輪到喎！

我問阿仔：「你係後備入選，驚唔驚讀唔掂？」阿仔好有自信咁話：「唔驚！」

因為佢最近日日在家玩scratch, 自我感覺良好，覺得「編程好容易」。但人地明明係教另一種未學過的，阿仔初生之犢不畏虎。不過我見佢動機咁強，估佢應該得啩！

支付寶優惠咁勁嘅

原來支付寶做緊優惠，真係幾勁喎！

用一次支付寶俾錢就有一個印花，額好低都得，儲齊三個有5元，可以在以下商店使用。

咁都未算，佢再俾多個商户印花，兩邊俾。儲三個當15元使！

咁咪即係我用三次支付寶就收到20元！！

To be simple, 如果我去麥記三次，用支付寶，咁第四次去麥記就送15元現金卷，第五次就送5元。

假設我好得閒， 本來要買三個麥當勞餐， 但係我分三次買， 用支付寶畀三次錢， 咁我已經有20蚊著數。

個優惠好似做埋7月咋， 可恨我已經錯過咗五月， 未玩嘅，大家快啲玩。 多謝馬雲先生， 換coupon嘅時候我發現唔係商戶俾， 全部都係馬生畀！ 因為商戶嘅帳單顯示佢哋係收足錢， 但係支付寶就顯示你打咗折。

今日學識咗喺百佳自己畀錢， 收銀員咁快就被ai取代咗， 各位快啲對孩子進行高質素嘅教育， 因為第二時嘅社會，收銀都冇得做。

後記：

網友提醒我

「提提你，每日最多得一個支付寶印靴同一個商戶印花🤣同一日分開買三個餐都無得攞多點印花架😂」

「仲有，過錢畀香港支付寶都可以攞印花。如果嗰日無用支付寶買野咁可以過$1畀我，我又過返$1畀你😂」

原來係咁，講優惠，你地熟過我喎！lol

假如重頭再來

我們每個人都第一次做父母，總有做得不夠好的地方，你有遺憾嗎？

假如可以重頭再來，你會如何改善？

以上是朋友問我的，我仔細一想，覺得最遺憾的是兩樣東西，做得不夠好。

第一樣是大肌肉，我沒有給兒子爬多一點，當時我們怕污糟，唔俾佢周地爬！這個帶來的問題是大肌肉落後，之後做了很多感統的東西，去到現在才和其他孩子差不多，但如果嬰兒期我就訓練他的肌肉，現在可能是運動健將呢！

第二樣是數學啓蒙及練習來得太晚，如果重頭再來，我會再早一點。雖然現在兒子的數學也不差，不過實在太多孩子比他好，我初時以為會追得返，不過小學已讀了四年，公開賽的成績還是差不多，你進步時人家也進步，你努力時人家也不偷懶，我估計應該都冇乜突破，除非有名師指點，這些東西可遇不可求。

你又有沒有遺憾？如果從頭再來會做得更好嗎？

不過現實是，很多人重頭再來，即是：生了老二，結果，老大按書養， 老二當豬養。哈哈～

我估假如我有第二個小孩，亦可能如是吧！？

不要留在舒適區

早幾日在圖書館見到 鬼吹燈之精絕古城， 我又借返嚟畀阿仔睇。 這套系列書在一年之前被奶奶禁咗， 因為個名恐怖， 個封面又恐怖。其實內容是盜墓， 驚險刺激， 但係唔算恐怖，不過老人家保護孩子之心強烈，我就暫時擱下。

前兩天，奶奶去咗買餸， 我就拿這本書出嚟叫阿仔睇， 我順便問下仔：「 你知唔知點解媽咪成日畀啲，程度畀你而家睇緊既野深嘅書畀你睇？」

阿仔答：「 因為你唔想我留喺舒適區。」

正確呀，果然是我肚裡生出來的小虫虫。

閱讀是需要跳級的，當孩子留在同一級數太久，就很容易失去閱讀興趣，而且同一級別的辭彙量也差不多，內容也相似，學習到的東西就慢慢減少。所以，間中我就會跳一下，例如這本鬼吹燈，就比兒子平時看的青少年小說要深要厚。

通常暑假一到，我就會拿一套有難度的來給他挑戰一下。上年他看了「 瑯琊榜」。

至於這本「 鬼吹燈」，原來只是 張飛吃豆芽（ 小菜一碟），阿仔兩日就看完了。

他看了半本，我開始播「 鬼吹燈之 精絕古城」 電視劇給他看（考完試又沒功課，真好），我說：「你看書的速度要快過劇情啊，否則就我不播下去了，因為看過劇的話，書就不好看了，所以一定要先看書再看劇。」

上年太小，我們不敢播這類劇集給他看，今年他長大了，可以接受了，而且，先看書知道了內容，就不會太害怕了！

抗干擾能力

每次我和阿仔睇書或看英文 卡通片 時，家中的istj和isfj一定會好大聲傾偈。因為他們不喜歡閱讀又聽不懂英文，所以就大聲傾偈， 或者自顧自開電視睇，嘈得讓人無法專心。

我就讀不下去了， 很快改為玩手機，但奇怪，阿仔可以完全 不受影響， 繼續閱讀， 神奇到， 連卡通片佢都可以繼續睇， 只要係夠吸引的話。

他這種不受干擾的能力很強， 可能是天生的。 不過如果你想， 在他看書時，中途同佢講兩句嘢， 就難了。 所以家中的isfj和istj經常罵阿仔唔彩佢地，在我眼中明明係你們打人地做正經事，但在他們眼中就覺得兒子是「 怪人」。

超媽17 注意子女的儀容

首先講明，我說的「儀容」，不是穿什麼衣服剪什麼髮型，孩子年紀小，只要是穿得舒適就行了，到他/她長大，要怎樣打扮最好看，跟本輪不到我們操心，因為到時，我們便是「老土」的代表了！

我說的「儀容」，是身體上的，舉例說，孩子哨牙，就會容貌不佳，做父母的要在適當的時候為孩子安排箍牙的。不要以為人人都會，我就認識一個幾千萬身家的家庭，兒子的牙都哨得像西瓜刨了，就是視而不見，都出來工作了，還沒有箍牙，佢地咁搞法，個仔到底如何揾工，如何溝女！不要以為他們有什麼苦衷，只是懶，因為我見個阿媽自己的犬齒掉了好幾年，都不去補！平時頭髮也油油的， 早生華髮 又不染黑，真的不知她為什麼要這樣干！

除了牙，還有皮膚最影響儀容，不要眼見孩子皮膚濕疹都不管，胡亂擦些藥膏，醫得到就醫，醫不好就算數。皮膚問題很多種，我在街上經常見到一些肥妹整條腿都一粒粒像蚊咬，但新舊疤痕很多，是被蚤咬嗎？是因為床墊有蟎虫嗎？每次都是肥妹有這種情況，我覺得很奇怪，父母怎可以不理孩子這樣難看！（必須找出原因呀！）皮膚不好，又肥。你不要以為我歧視肥人，我認為成年人肥是自己的事，孩子太肥一定是父母失職。胖子不是一口吃出來的，由他/她微胖 變成 很胖，一定有很多機會你可以阻止這件事惡化下去。

脊骨也絕對影響儀容，在孩子變成「 劉羅鍋」之前， 一定有很多機會阻止事情惡化。孩子寒背，就要開始用「 貓背」。寒背之前，就要用一套好的書桌，要吃鈣片強骨等等。

孩子是自己生的，幾醜樣自己也不會嫌棄，但孩子會嫌棄自己的，會自卑的，會影響社交生活和心理成長的，所以一定要注意着，保存孩子的外形。否則可大可小，尤其到青春期，外形會變得重要起來， 因為會影響自信心和交友。

就像早幾天的新聞那樣：大學女生因為濕疹殺了她的父母再自殺，她說濕疹的人生仔衰過窮人生仔。

有人認為她是品格出了問題，但我就認為是「 抑鬱症」，而導致抑鬱症嘅原因係因為儀容，再加上學業之類的問題紛擁而至，剛上大學時明明很開朗，濕疹已伴隨多年，辛苦也不是此刻才發生的事。我推測是她喜歡上了什麼人，但濕疹一疊疊， 啲牙又唔整齊又黃，被拒絕了，便有可能患上抑鬱症而不自知。

父母夢中被殺看似無辜，但連個女三年冇返學都唔知，女兒的儀容不管，濕疹辛苦不去想辦法，實在抵死。

朋友問我怎知道她的父母沒有努力過，很簡單，如果父母一直很努力，那女孩只會自己自殺，但女孩選擇先殺父母，可見她的怨恨，而且牙齒也不好看，這個父母若是有處理的話，應該沒有什麼難度。 濕疹就難醫啫， 整牙容易， 是捨不捨得使錢而已。

相關文章：
超媽16 不要說老師壞話
http://curiousboy2016.blogspot.com/2018/06/16.html