DIMS減近視鏡片

配到了！配到了！阿仔終於配到這副新出的減近視鏡了！

個半月前一知道有這項新發明，我已經非常興奮！但身邊其他「家有近視四眼仔」的人唔知何解冇乜反應，到底是對新科技不信任？還是被價錢嚇親？那就不得而知了！

為什麼我會這樣興奮呢？因為有一絲希望可以減慢近視呀～

公價3480元，邊度都一樣價錢，係去理大配會貴多500元，因為佢半年後再幫你驗眼一次跟進。

表面上係貴，但佢正常可keep到兩年先增加50度，咁一副眼鏡可以戴四年，四年的眼鏡費谷埋一次過俾啫！咁唔貴呀！

另外佢有一個限制，就是七百度以下才可以使用。所以如果孩子未到七百度的家長要盡快出手了，否則到過了七百，想配也不行了！很慶幸他出得及時，兒子的年齡和近視度數都在最鏡最有效的範圍之內。

你可能說：你就那麼相信它的功效嗎？

為什麼不信？它拿了國際發明總冠軍呀！

眼鏡嘅嘢，視光學嘅嘢，我地呢啲師奶識條鐵咩！但人地國際評判唔係傻㗎，人地俾得出呢個獎，一定有充足的研究數據提供。我們何解唔信？幾千蚊，有效的完全物有所值，冇效的當輸咗，但贏面係八成（根據他們的研究顯示），有乜賭局贏面咁高先，咁有乜理由唔買先！

已配了OK鏡或不適用的另計。

Haier吸塵蟎機

淘咗個吸塵蟎機，覺得唔錯，介紹下俾大家。

之前我們成日用除塵轆來吸去床上的塵和毛髮，都已經好啲，現在用機吸 更徹底。

部機下面有 紫外光燈 一面吸一面殺滅塵蟎。

外型纖巧， 價錢平， 淘寶買299， 我嗰日攞咗一張coupon， 再平多40蚊。

牌子係 海爾。

第一次吸出嚟嘅比較， 左邊係未用過嘅， 右邊係用過一次嘅。 可以明顯見到， 床上面原來真係好多塵。

其實呢部機係網友介紹，因為佢都用咗一年， 覺得好好用。

喺淘寶買電器如果冇人介紹真係唔敢買， 我試過買個固網電話返嚟， 一兩個月就壞咗！ 電器呢家嘢真係唔可以亂咁買呀！

朋友叫我用一張除塵紙/ 紙巾（ 最薄 的一片）， 隔住上面嘅除塵網， 每次都更換， 否則好快就會full曬， 又難清洗。 呢個方法非常之好！

鼓勵你吃苦的人

羅傑斯建議女兒要遠離那些鼓勵她消費的所謂朋友。

我覺得這個父親說的是忠言。

所有不斷鼓勵你消費和玩樂的人，其實都不是好朋友，他/她不一定是想害你，也不一定是壞人，但和這種人一起沒有長遠的益處。

親賢臣，遠小人。

那些叫你急着吃棉花糖的人，會害了你，而那些鼓勵你迎難而上的人，叫你要吃盡苦頭的人，會為你帶來福份。

安逸享樂，誰人不愛？只是今天的棉花糖吃掉了，明天的回報就沒有了！

今天當你猶疑不決，不知應該吃苦好？還是安於現狀好？請盡快去找一個叫你吃苦的人，相信他，努力執行令你覺得很苦的事，將來必有回報。就算沒有回報，也不會有損失。因為叫你吃苦的人，一定是為你好的。

超媽21 無紀律的家長

上一回講一些「 將時間表填到密麻麻」的急功近利嘅家長，今日想講下，站在另外一極端完全相反嘅家長 - 無計劃無紀律的家長。

老實講，急功近利家長，我暫時仍未觀察到有咩很大的問題，只是我唔buy佢地，但佢地係付合一般人「成功」的定義的，只要佢地仔女唔自殺，唔同佢地反面離家出走，一切都無話可說。

但另一個極端的家長，日日「尊重子女」到連唔食正常飯菜，淨係食奶黃包都得的那種，最後真係死得好慘！

Esfp和isfp夫妻的組合其實很多，這兩個組合在一起很夾很恩愛，如果佢地唔生小朋友，其實係幸福組合，日日去下旅行，飲下食下，多快活！但如果佢地生小朋友就麻煩，因為兩個都係sfp, 這三個碼最愛活在當下，即是不會做預測，喜歡自由，沒有紀律。他們最愛自由，孩子喜歡參加什麼課外活動，他們尊重；孩子喜歡玩，他們也尊重。如果媽媽是isfp還好（因為悲觀點），如果是esfp（樂天派），就通常係日玩夜玩，鬼咁多活動，開開心心咁「愉快童年」，最後係會食哂屎！

第一組isfp+esfp朋友的孩子18和14歲了，當年我和老公都預計這種什麼都「自由民主」的教育方式會冇好結果，但想不到情況比想像中更差。18歲的孩子DSE放榜，全家才醒，才去想後路，慌不擇路，去了美國重讀，但又話抑鬱又盛，畢竟逃避不是辦法。骨牌效應，14的那個原來非常聰明，小學年年名列前茅，但突然又成績倒塌。

總而言之，冇紀律，冇計劃，死路一條。唔好驚俾人話虎媽，阿媽唔虎，個仔苦。

相關文章：

超媽20 急功近利的家長

http://curiousboy2016.blogspot.com/2018/08/20.html?m=1

超媽20 急功近利的家長

在上編程課的一天，阿仔同鄰居小朋友（又巧遇）和另一個同學仔一組， 鄰居小朋友竟然搶咗佢哋本應大家share的ipad自己練習。最後，阿仔同另外那個小朋友向老師反映，結果老師安排阿仔和另外那個小朋友一組，留返鄰居小朋友自己一組。

其實上次化學堂，我已見過鄰居小朋友同一個小朋友爭實驗用具。加埋其他觀察（懶得續樣寫），一句講哂，我覺得鄰居小朋友很急功近利。

而急功近利又是什麼原因？我覺得係父母的問題，父母都給我他們很急功近利的感覺。例如沒有着數的話，都懶得跟你交往。

他們每日都將時間排得滿滿的，很「進攻型」。其實我們另外一個鄰居都是這樣，那家的女兒大我兒子六七年吧！日日都很急，連拉小提琴也急得什麼似的，搭lift都不等人，急於關門。家長也是懶得跟鄰居交往。不過，相信如果有着數，他們會換一副嘴臉。

那到底他們這樣的「急急急」教育，好還是不好呢？（應該是sj型家長了，而且estj機會大。）

告訴你，是挺管用的。他們兩家的孩子都讀名校，成績又好。

不過就是長得一副急樣子。因為交友呀（有價值才交），營養呀，睡眠呀…並不十分「顯眼」，短時間看不出端倪，所以他們對這些東西嗤之以鼻，不聞不問，一切以成績行先。

鄰居小朋友父母很高，但小朋友又矮又瘦，我覺得跟他們不重視營養及睡覺有關。另外的大姐姐那家也是很不重視，幾乎日日都見他們叫外賣，不太重視孩子的營養。

我總覺得，這樣的家庭是有點成果，但怪怪的。你又覺得如何？


相關文章：
超媽19 無需擔心孩子太叻
http://curiousboy2016.blogspot.com/2018/07/19_20.html?m=1

肉凍

天時暑熱，你的小朋友會不想吃東西嗎？又或者只愛吃雪糕飲汽水？

雪糕汽水冇乜營養的，而且影響胃口，倒不如試下肉之凍食。

例如這個啫喱就是將花膠，火腿和雞煲湯，倒出來雪凍，翌日就可以當啫喱食，營養豐富。

除了雞湯，什麼湯亦可以這樣做，不過可能要加魚膠粉，加了花膠的雞湯當然唔使落魚膠粉。

除了湯可造成啫喱，肉亦可凍食，將豬肉或雞肉用蒜鹽醃一日，蒸熟雪凍切片，就可以用來夾麵包，yummy!

好奇媽不分享食譜，只是分享靈感，大家有興趣整就自己Google或構思試做。

I don't teach skills, I just share my idea.

資優學苑有沒有用？

之前有一篇文章提及資優學苑難入，現在說一說值不值投入時間去入。

資優家長

http://curiousboy2016.blogspot.com/2018/07/blog-post_22.html?m=1

嗯… 我認為見識的價值大於實用價值。即是說，可以去見識一下，但並沒有太大的教育上的幫助，亦不會結識到一班資優仔和高質素的家長互相支援。我仔還沒有上Let's shine（輔助資優仔心理之用）課程，唔知那種堂會否比較容易識到朋友。

我覺得沒有很實際的用途，只有心理上的用途，好像自己沒有浪費個仔咁囉～

你知，資優兒的家長其實有壓力的，怕自己沒有盡力培養個仔，怕自己做得不夠。

事實上，參加咗，都一樣只是杯水車薪，一年上幾堂，用途唔大。

至於上到中學會否有幫助就是未知數，要到中學先知。