個半月前一知道有這項新發明，我已經非常興奮！但身邊其他「家有近視四眼仔」的人唔知何解冇乜反應，到底是對新科技不信任？還是被價錢嚇親？那就不得而知了！
為什麼我會這樣興奮呢？因為有一絲希望可以減慢近視呀～
公價3480元，邊度都一樣價錢，係去理大配會貴多500元，因為佢半年後再幫你驗眼一次跟進。
表面上係貴，但佢正常可keep到兩年先增加50度，咁一副眼鏡可以戴四年，四年的眼鏡費谷埋一次過俾啫！咁唔貴呀！
另外佢有一個限制，就是七百度以下才可以使用。所以如果孩子未到七百度的家長要盡快出手了，否則到過了七百，想配也不行了！很慶幸他出得及時，兒子的年齡和近視度數都在最鏡最有效的範圍之內。
你可能說：你就那麼相信它的功效嗎？
為什麼不信？它拿了國際發明總冠軍呀！
眼鏡嘅嘢，視光學嘅嘢，我地呢啲師奶識條鐵咩！但人地國際評判唔係傻㗎，人地俾得出呢個獎，一定有充足的研究數據提供。我們何解唔信？幾千蚊，有效的完全物有所值，冇效的當輸咗，但贏面係八成（根據他們的研究顯示），有乜賭局贏面咁高先，咁有乜理由唔買先！
已配了OK鏡或不適用的另計。
6 則留言:
我等下一次覆Ok鏡時就配了。
為何用了0K鏡還要配多副？什麼時候用？
有時病了，或者咳呀都唔戴得Ok鏡，所以要有副眼鏡備用，同埋Ok鏡戴每一星期要休一日，咁休完第二日又帶番眼鏡。其實我都要問下醫生先配的，因為怕配左浪費了，學你話齋，我都有Ok鏡了。
原來如此，咁要問下了。我覺得雙劍合壁， 應該效果更好！
我二星期前都幫細路配左。
仲等緊囉。
不過佢地講如果一年內唔加五十度已算成功。
所以我都係預二年要換一次。
而且眼鏡片唔跌Ｄ鏡片都會自己花。
你係保守型的人，看事物偏向悲觀。
我覺得係乜都好，都係值得配。減得一度得一度。
發佈留言