蕃茄炒蛋

其實蕃茄炒蛋點炒先正宗呢？我識條鐵咩，我只係跟自己的口味來炒，人人口味都唔同。

我食過一個最好味的蕃茄炒蛋，是一個酒店副總厨煮的，佢女朋友係我朋友，我吃過後就認定，好味的蕃茄炒蛋要濕要滑，要蛋中有蕃茄味，蕃茄中有蛋味，水乳交融。

首先大滾水淥一淥，把蕃茄去皮，然後切粒備用。 番茄同埋蛋漿都加少少鹽。 成個餸好唔好味取決於個蕃茄， 有一次買咗隻好酸嘅番茄， 咁呢味餸就變得好難食。 所以準備原材料之後要試一試蕃茄既味道， 如果蕃茄好酸記得加返啲糖， 如果個蕃茄夠甜就唔使啦。

先加蓋煮一煮啲蕃茄令到佢出汁，我唔會加水， 全部都係蕃茄自己嘅汁。

然後將啲蕃茄拍埋一邊落油落蛋。 慢慢將佢哋混合埋一齊。

咁就完成咗啦， 超級簡單又有益又健康。 唔知你屋企個蕃茄炒蛋係點煮的呢？