把身家都穿在身上

「 先敬羅衣後敬人」係許冠傑的一首歌， 有幾句歌詞係咁嘅：「寧願少吔餐，時裝錢咪慳，就算水乾一於要撐。」「 著得好款開聲屋都震，有冇現款冇人問。」許冠傑係entp（先知型），佢作的曲詞，我真心覺得正，充滿了幽默感及醒世哲學，令人一面聽一面會心微笑，原來佢係香港大學心理學系畢業，當年因為高考中國文學攞咗A，所以才入到香港大學， 喺嗰個年代，真係好勁！

其實世界上真係有好多人，將成副身家穿在身上的，例如：李惠敏，又例如：謝賢。有一次看謝賢的訪問，佢就表示，自己所有錢都用哂來買靚衫和飾物了，如果佢死咗，就會留哂呢啲嘢俾霆鋒。（佢同佢仔身材相差咁遠，啲飾物又過哂時，他的東西鐵定變哂垃圾，哈哈）

我屋苑都有一個像謝賢咁樣生活的婆婆，個髮剪幾千元，玩埋highlights, 衣服穿著都是名牌子。有一次她不開心地跟我說，洗衣鋪弄丟了她的prada頸巾，所以她不開心。我心想：「你條頸巾咁名貴，佢當然『整唔見』啦，試下你俾條兩百蚊的佢洗，佢肯定不會弄丟啦！」那個婆婆很有錢嗎？佢又成日同我訴窮，又不像說謊呢！

為什麼有這樣的人？是因為愛美？是喜歡充闊？是自卑感作怪？

我真的想不明白。