教估算

自從屋企附近嗰間麥當勞有自動點餐機之後，我就唔駛再排隊點餐啦，我覺得都幾方便。

平時排隊點餐有一個問題，就係你要預先諗定食乜嘢，千祈唔好到時先至諗，阻住後面嘅人，但係點餐機嘅好處就係，你可以一面想一面點，甚至仲可以撳嚟撳去比較價錢，因為嗰個麥當勞嘅點餐機都有好多部，冇人會排喺我後面。

 因為好奇，就研究起麥當勞嘅定價系統，然後我發現麥當勞嘅定價系統係好得意嘅，例如你買豬柳蛋漢堡餐 要三十幾蚊，但係豬柳蛋漢堡包就十一蚊， 即係汽水和薯條要成 廿幾蚊， 分開買仲抵，佢個定價經常係唔合理，所以要識計數。 呢個時候就係教小朋友計數最好嘅時間啦！

今日我想買麥樂雞，到底買九件好，定係買六件好呢？於是乎我又喺度計咗一輪，之後，吃東西時，就將呢條題目出畀我個仔玩，九件麥樂雞$22.8，六件麥樂雞$17.5，到底買邊一份抵啲呢？阿仔好快就答咗，買九件抵啲，我問佢用咩方法知，佢話係用常識，通常買多啲會平啲， 我話一定要計數。 於是爸爸話：「 咁複雜，快啲攞紙筆比佢計啦！」

我話唔得，因為我剛才做決定的時候，都冇用過紙筆。我哋平時買嘢，好多時都唔會有時間畀你慢慢計，咁我哋用咩方法可以做到決定？

於是我就逐步引導佢如何估算，如何用比例來估計麥樂雞的價錢。各位應該都是知條數點計，過程不贅了！

在此想提出的是，教小朋友數學概念，應該是從日常生活之中滲透。 有了媽媽平時的概念滲透，到老師正式教「估算」的時候，自然是水到渠成。

注意： 生活數學，也要因應小朋友的程度，例如「估算」就不適合教導幼兒，比較適合教導小學生。