用app點餐是大趨勢?

 

最近因為見到Facebook 話肯德基app有優惠，於是就下載來試下。

平時普通一個餐都四十幾元，我和阿仔兩個人都接近$100, 用 app買$60-72就得了，仲有迎新新品，一個葡撻和一個細薯泥。

肯德基app比麥當勞app易用，因為可以櫃檯掃二維碼就買得，但今日我才發現，突然要買的餐的二維碼取消了，只剩下「快脆拎」，我未用過，於是搞了一大輪，終於到了付款位，竟然要等它 send SMS 付款碼輸入。但等了一分鐘都冇，再按重發也沒有🤯🤯🤯！

幸好這時我的男神米米放学趕到了，我們約了在 KFC 一起午餐，然後會去驗眼。米米施施然地說：「你重 boot一次部手機先啦！」

果然，restart後再点餐，就收到付款碼了！

收到訂單後很快就有得拎了！

唉！明明只是一個app, 我話哂一個智力正常的人，都要個仔幫忙。

不過，睇來用 app點餐是食肆的大趨勢，慢慢其他快餐店都會跟風，而家連飲茶都用微信点餐了！我現在習慣用app点餐，將來其他餐廳的app，自然會識用。

我現場見到，大部分人都是排隊買，未識用 app, 怪唔得要用咁大的 discount 去吸引人用 app，既然遲早都要学用 app, 早学好過遲学，早学的 discount 大D，等人人都識用，discount 就會減少。

P. S. 米米的驗眼結果非常好，不但近視冇增加，散光還減了25度，證明這半年替他滴去疲勞的眼藥水有用！他大量減少了捽眼。