政府財赤是好事

今年政府終於有財赤，不知大家聽到「財赤」二字，會否有啲驚？擔心香港政府「使哂啲錢」？我識的阿婆一聽到財赤就會替政府肉赤啲錢的。

其實唔使擔心的，財赤是好事，即是政府今年各方收益賺了6261億，將6471億使在市民身上。

香港政府年年都嚴重有盈餘的，意思是賺埋的錢儲起來不花在我們身上，儲儲下，已經有三萬四千億。

如果幫我們儲蓄的是自己阿媽，捱下窮冇所謂，因為將來阿媽將儲蓄拿來幫我們買樓結婚，都是好事。但幫儲錢的是香港政府，你覺得她會像自己阿媽對你咁好嗎？那筆儲蓄，只會用在公務員及高官退休長俸，我們一毫子都冇的。

所以，各位，當聽到政府財赤，大家要拍手叫好。

就算未來幾年香港經濟變差，我們政府大把錢（34000億）應對，千萬不要為政府「肉赤」，那些錢原本就是儲來共度時艱的，但高官一直當了是自己的私人財產。

大家不要見到個「億」字就驚，你看新聞時，只要聽到「億」字就化為「蚊」，咁條數就好清楚的了。

例如今次每人派一萬，總共用了600億，政府有34000億，即是你有34000蚊，用了600蚊咁多多囉。

做香港人，一定要搞清楚條數，數字是客觀的，到底香港政府對我們是好是壞，大家睇數據。