平嘢有好

話說我買咗一盒 Maybelline 眼線膏之後， 發現質素好差， 畫上去的時候幾靚， 但係行完一轉街就溶曬。 我留意到好多女人都有畫眼線， 但係人哋畫得好靚， 又唔會溶解㗎喎！

於是我就落去樓下屈臣氏， 在手上試咗十幾支眼線筆， 發現其中一支表現最好， 大概百幾蚊， 於是就買咗喇！

點知買咗返去發現佢嗰支筆係半乾， 買嗰陣我已經同職員講好似唔係咁濕嘅？ 職員話過幾日 啲墨落咗嚟 就會濕㗎啦， 結果過咗幾日都係乾的， 於是我就攞落去屈臣氏換返錢。

之後去到中山， 在假日廣場的「名創生活」， 見到有眼線筆賣，就買咗一支試下（ 銀色）， 浙江製造， 9.9人民幣。 返去一試覺得實在質素很好， 於是又買多一支（ 藍色）， 更加好用， 都係15蚊人民幣咋。

 「名創生活」在香港都有， 同樣都是十幾蚊一支眼線筆， 但係聲稱係日本做嘅（ 日本人工咁貴， 我唔係好信， 應該賣唔到咁平價錢）， 我未試過， 用完呢兩支我會去買嚟試下。

原來唔係平嘢一定冇好架！