中國外交關係基本認識

最近看得多賴岳謙的「 無色覺醒」， 對中國和周邊國家嘅關係漸漸了解， 覺得係時候開始教個仔啦。 首先， 要攞屋企個地球儀出嚟， 因為位置相當重要， 要給孩子知道那個國家在什麼位置， 位置絕對會影響到國家之間嘅交情， 位置近嘅， 因為文化同人種相似， 一係就大家好friend， 一係就爭執， 所以中國要搞好國際關係， 先從自己家附近開始。

在週邊咁多個國家之中， 最重要嘅係中印關係， 因為印度有13億人口， 人口數量同中國差唔多， 所以競爭力比較大， 其他週邊國家比較細小， 或者人口比較少的， 就會好難超越中國， 如果打起仗來， 印度亦係唯一一個可以同中國打嘅， 所以而家美國想盡辦法挑撥中印關係， 如果亞洲地區自己打起上嚟， 美國喺你精疲力盡嘅時候再出兵收拾， 就可以坐收漁人之利， 這亦是美國一向嘅做法。

最近習近平去同印度傾談， 採用咗新嘅外交政策， 大家不是坐在室內 開會談話， 而是一面去參觀佛寺、 古蹟， 一面暢談歷史文化， 足足傾咗兩日。 經過這次深入交流之後， 印度亦不再與中國作對， 美國不斷挑撥中印關係， 印度亦都愛理不理， 但係印度並冇加入到習近平搞嘅rcep聯盟。

而印度和中國之間夾住咗一個尼泊爾， 習近平都去了尼泊爾探訪， 尼泊爾大力支持一帶一路。

在印度側邊有巴基斯坦， 巴基斯坦是中國的「鐵粉」， 他們稱之為「全天候合作夥伴」， 即係無論美國點樣挑撥都唔會轉軚嘅 沙煲兄弟。

講起好朋友， 除了巴基斯坦就係俄羅斯， 習近平同普京而家friend過打band。 敵人嘅敵人即係朋友， 因為他們大家的敵人都是美國， 所以佢哋咁friend囉！

跟住講下中國同菲律賓嘅關係， 自從杜特爾特上咗場之後， 菲律賓就唔肯再做美國隻狗， 而係努力去改善中菲關係， 因為杜特爾特係非常聰明嘅， 佢知道美國每次都係要菲律賓做爛頭卒， 自己遲遲都未出手， 就係想等人兩敗俱傷先出手， 專門挑撥中國菲律賓嘅戰爭， 自己坐收漁人之利。 咪住咪住， 賴賴岳謙點知咁多， 因為杜特爾特自己講出嚟嘅：「美國你只要敢開第一槍，我就跟你並肩作戰。」

原來菲律賓內部同香港一樣， 有一個反菲政府嘅美國勢力， 所以道特爾特 要將事情講出嚟，以壓制那股勢力。就係因為杜特爾特先發制人， 所以菲律賓才沒有出現美麗的風景線。

最後講下中日關係，日本是最接受不不到中國崛起的國家，但由於美國對他太差，成日㩒住搶，所以最近日本轉為與中國修好。

現在中國附近只有有韓國、越南和台灣還是美國小弟。

因為韓國願意畀美國擺薩德導彈對住中國，所以中國而家同韓國交惡， 中國又擺返支導彈對住韓國， 而家啲韓國明星都冇得來中國搵銀，三星在中國的市場由20%跌到到1%。

還有一提新加坡，他已經完全清醒，努力搞好和中國的關係。新加坡這種小國，只能兩邊擺，但他們己知道中國崛起是阻止不了的，只好配合。

我講解完俾阿仔聽，第二天再拿地球儀出來考考他，他全部答到喎，快而準添！看來11歲的孩子適合學習這些東西。