縲絲粉和芫茜魚骨湯

最近愛上了吃縲絲粉，連嘴刁的99都覺得好味！老公和仔喜歡咖哩牛肉風味的，而我和99就喜歡蕃茄牛肉味的。

只要煲好個湯汁一撈，縲絲的旋紋就吸住湯汁，條條粉都好好味！

就係呢隻縲絲粉，在759買4.5元一包，好味過十幾元一包的百厭阿姨。呢隻牌子的縲絲粉和意粉都係爽滑得來好彈牙的。煮7至8分鐘撈起，撈落自己喜歡的湯汁。

最近阿仔生痱滋，想起這道湯水，當年我生痱滋，老豆一定煲俾我飲。

將魚骨用少許鹽醃一會，放鍋裡煎一煎香，加大滾水及一隻皮蛋大火滾，再加芫茜根至中間一起滾至出味，芫茜的尾部及葉在湯差不多滾好才加，滾多三分鐘就熄火，記住開蓋，否則會變黃。

芫茜分兩段處理是因為既想要芫茜的味道和魚混合在湯水中，又想要新鮮的， 青綠的， 充滿維他命的芫茜當蔬菜吃。

（ 大懵的我忘記了拍完成圖， 哈哈！）

這道湯水通常還會加茶瓜， 可惜奶奶話那天買唔到茶瓜。

茶瓜是什麼？

就是皮蛋隔離那個東西， 通常在街市雜貨舖有售。

這個湯水網上都有教點做， 不過我唔喜歡用魚肉， 因為有一晚奶奶買咗魚肉做這個湯， 吃魚片嘅時候滿口都係碎骨（ 結果完全食唔到掉了）， 反而用魚骨， 骨大大條， 唔會有碎骨哽親小朋友。