香港的醫療水平其實很高，澳門的朋友，有什麼大病都來醫。我估鄰近大陸地區的都會來。所以公立其實是忙到爆廠的。偏偏有很多病人都懷疑自己呢度有事嗰度有事， 所以好多要檢查嘅個案 ，要排三年係正常情況。
好似上面新聞的case, 處理方法其實很簡單，要排三年才有得驗，不如立即去私家化驗所或醫院驗，盡快得出結果，如果是大病，拿私家化驗所的報告，即時去政府排期。 如果佢哋識咁做， 個案中嘅阿媽可能唔使死。
我識一個阿姨， 持續性出現胃痛，因為政府要排很久，去了私家做胃鏡，知道是早期胃癌，立即拿報告到政府排期，十日後已經做手術，而且係微創手術，我覺得好Amazing, 切三份之二個胃，竟然係微創手術？！但而家政府的大手術就係咁先進。
政府醫院的潛規則就係咁：
（1） 涉及生命嘅大病優先， 一旦確診， 盡快安排手術， 速度不比私家醫院慢多少。
（2） 不確定嘅病症慢慢排， 因為在不確定的病面前，大家係平等嘅， 胃痛同胃cancer都係一樣咁排， 因為 一年胃痛嘅 有幾萬人（ 所以我成日都反對啲學校畀20分鐘小朋友食飯， 咁樣食法好容易有胃病）， 冇可能個個都當佢哋係潛在cancer咁對待， 冇咁多資源。
（3） 懷疑自己有大病先去私家醫院check， 如果冇買保險就去私家化驗所， 冇錯做一次檢查係要幾千蚊， 但係如果check到係大件事， 就可以 立即得到政府嘅治療。 人人都以為私家醫院比政府醫院好， 其實真係睇下咩病， 大病千祈唔好去私家醫院醫， 因為佢哋嘅器材係不足㗎！ 醫大病嘅器材係好貴㗎， 私家醫院唔會做呢啲投資， 奇難雜症全部都係政府醫院做， 政府醫院嘅醫生醫大病 經驗豐富。
（4） 要去合資格嘅化驗所。 一年都有好多人會將私家醫院 嘅化驗報告交畀政府 醫院， 但係呢啲報告質素 好參差， 所以 如果你驗身嗰間 化驗所係冇牌嘅， 政府係唔會理你。
識得一個阿婆， 去大陸驗身， 做咗全身檢查， 報告話佢乳房有結節， 佢將報告 交畀香港嘅政府醫院， 排期 一年 再跟進， 到跟進嘅時候已經係乳癌末期。
第一， 阿婆唔知道， 乳房結節係一件小事， 結節唔等於生cancer， 知道自己乳房有結節 應該去做一個抽針化驗， 檢查下裏面是否有癌細胞。 如果抽針化驗證實有癌細胞， 政府在兩個月內必定會安排手術（不同的手術他們有規定期限的）。
第二， 去大陸做身體檢查嘅報告， 香港醫院係唔信㗎！ 就算在香港做身體檢查， 都要去信得過嘅化驗所， 咁我點知邊間化驗所信得過呢？ 好簡單， 打電話去家計會叫佢推介， 佢哋推介嘅化驗所一定得到政府認可， 而且家計會推介會有折頭。
總結： 對自己健康有懷疑 ，自己去 信得過的私家化驗所檢查。 就算冇乜病痛最好都年年驗下身。確診之後， 立即將私家化驗嘅結果， 交到政府排期。
沒有留言:
發佈留言