偷懶就偷懶啦！

有一天在網上見到這篇文章，內容是分享考試期間，做媽媽的有幾辛苦。我覺得形容得挺有趣的，就看下去。

但睇到最後總結真係笑唔出。作者認為自己不是「港媽」，要給孩子一個「快樂的童年」，所以堅持不會為孩子提早準備考試。

我覺得呢啲邊叫「Happy Childhood」呀，擺明係「Happy Motherhood」啦～

唔温書，臨急抱佛腳，莫名其妙考試前俾阿媽臭罵一頓，到底係咪快樂的童年？

擺明就係阿媽自己偷懶，然後就賴小朋友蠢，教極都唔識，成績唔好都是孩子的錯，自己「付出了那麼多」（她們將對孩子發脾氣視為自己的付出），個仔就唔生性，讀書讀到一pat屎。個仔對唔住自己，對唔住祖宗。

然後再大罵香港教育制度及怪獸家長，唔係你地「日操夜操」，搞到啲小朋友咁叻，啲題目就唔會越出越深啦！~ 出一加一等如二，大家拿100分咪好囉～

咁英美又真係咁囉，大家都hea讀，太得閒就食下大麻去下party, 「快樂」過一生。

咁英美那邊，係邊個入最著名的大學？咪就係由始至終都準備充足（日操夜操）嗰啲家庭的孩子囉，大多是美裔華僑。

分別是，在英美，你可以選擇放任自由，但在華人社會，是被迫一定要努力了！

所以羅傑斯說：「無論你接受不接受，未來一世紀，都是亞洲人的天下。」

BTW, 請自己偷懶的媽媽，承認自己偷懶算了，唔好亂咁為準備充份的媽媽安一個「港媽」的稱號。不要把偷懶美化了！你可以偷懶，但唔可以老屈人地。