我們身處的社會很古怪，人人都喜歡聽壞消息，看壞新聞，給負面評語，連人家死咗個仔都要揶揄一番。久而久之，我們的新聞都有報喜不報憂的情況，因為報館都要生存，什麼新聞多人看，便報什麼新聞吧！
這個情況已出現了幾十年，所以惡性循環，讀者喜看負面新聞，負面新聞越來越多，於是看得多的人又更負面，人對社會的認知會完全傾側去負面。最後成為一個很負面，很多怨氣的社會。
生活在香港，我們網上看完那些自動圍攻你的負面新聞之後，記得要主動去看正面的新聞。因為這些新聞沒人會報導，所以要接觸事實的人要有主動性。
記得幾年前，無線有一輯「 守護生命的故事」， 睇完之後我大受感動， 原來我哋嘅香港唔單只有醫療事故！ 香港原來係有手術機械人， 令到胃潰瘍斷尾嘅原來係香港嘅沈祖堯醫生， 醫好肝炎嘅原來係黎青龍醫生！！ 呢啲咁好嘅事點解我從來都唔能夠喺新聞上面見到呢？ 如果冇呢個節目，我一世都唔會知道。
最近我又睇咗一套「 超級工程2」， 幾年前嘅「 超級工程」，我仔很喜歡看，尤其港珠澳大橋的建造，實在令人大開眼界。今次這輯更加值得看，拍得更加靚。
內容關係到我哋仔女嘅未來 ，因為你從中會推斷到二十年後的光景。
尤其第4集，同香港嘅相關性會 比較大， 因為香港係全世界排第一個轉口港， 貨運吞吐量極大 ，而家未來中國高速發展緊港口碼頭，將來香港物流業必定會受到影響。如果小朋友將來在物流業發展，工作地點可能不是香港。
沒有留言:
發佈留言