2017課外活動

昨日風和日麗，和老公去游水，見到泳池湊巧被某女校（中學）租用舉行水運會。我們觀察到，水運女健將全部都肩胛寛闊，腰細，身體呈倒三角形， 臀部結實，皮膚黝黑。我說：「如果係男仔，這是完美身形。」至於女仔的話，我認為胸太平，手臂有肌肉，不夠女性化。所以，女仔學游泳很好，但不要參加校隊經常練水，這種身形欠女性美。但如果係仔，真係有要咁多游咁多啊！（中學時期）呢啲身材迷死萬千少女！所以中學時代，真的要兒子認真一點去學游泳。

今年阿仔的課外活動已有定案，是圍棋，機械人班和奧數班，都是動腦不動身體的東西！大家不要以為我不顧及孩子的平衡發展，是緣份，報了飛碟班，排球班都抽不中（太多人報），最神奇的是奧數班，因為往年都是不夠人數開班的，今年突然多了人報，開到班！既然開到班，星期六特登搭車回校上個半小時，當然順便報埋機械人班了，三小時直落，時間剛剛好！

命運就是這樣，由於人數，時間配合等因素，兒子竟然意外地報了三樣課外活動，原本我嫌太多，想取消圍棋班，但錢都交了，兒子又不願意取消，就這樣敲定了！

每年學校都建議小朋友要一體一藝，我真的是做不到，阿仔的興趣很窄，都是用腦不用手的活動，今年報了三樣，都只有圍棋屬於藝術。

後記：圍棋班話自己報名人數爆咗，打來話退款俾我。咁連一樣藝術都沒有了！