之前在healer嘅演出, 無論演技、 外貌、身型都已經係好標清, 我係嫌佢瘦咗啲啫，唔夠成熟。但係估唔到佢咁搏命，拍咗呢套the k2。
佢為咗拍呢部戲， 又要做健身，又要練功夫， 真係吃盡苦頭，不過好見成效，佢嘅肌肉多咗好多，睇落個人肥啲，健康啲，更加有男性魅力。
我睇咗幾集，竟然集集都打到甩肺， 而且一直都要keep住肌肉在巔峰狀態， 唔係拍一兩個鏡頭就收貨嗰種， 一睇就知道拍攝嘅過程有幾辛苦， 一般嘅韓國男神都唔會揀呢種戲來拍，因為實在太辛苦，要係後生仔先至會咁搏命， 佢自己都話：「 呢部係我最後一部動作片！」佢都唔明自己點解會畀呢個角色吸引， 就係因為貪有型囉！拍完就知味道！ 我估佢佢想 大紅大紫先至會咁搏命，因為只要有一套代表作，就可以升價十倍。
睇咗韓劇咁耐，真係冇一個男主角及得上池昌旭咁完美。 李敏鎬肌肉係比較少，因為聽講佢有哮喘，唔可以咁搏命； 孔劉嘅肌肉好多，但係佢就唔靚仔，而且年紀比較大； 金秀賢又靚仔又有肌肉， 但係隻眼就細咗啲； 宋仲基都係又靚仔又有肌肉， 但係佢嘅五官真係太有女人味！
除咗靚仔和身材好之外， 佢嘅演技真係十分出色， 而且個人嘅性格比較開朗活潑， 真係適合喺娛樂圈搵飯食。
沒有留言:
發佈留言