分享第一次在香港使用高德打車

我在內地旅行時已經用過高德app打車, 昨日同阿媽去做體檢, 第一次在香港範圍使用高德地圖app打車, 覺得真係好正！

1）新人優惠, 原本$76路程只係收了我$17.1🤑🤑🤑

2）唔使週街搵的士, 在方便自己的路口企定定call車, 架車自然會駛到你面前。

大家而家身體好跑得跳得梗係覺得呢一樣嘢冇乜特別啦！但其實好多要call的士嘅人, 都係行動不便的老人, 有時佢嘅照顧者是他的伴侶, 即係另一個老人, 要在街上週圍搵的士其實對佢哋來說好辛苦的。

3）司機嚟嘅時候, 全程話畀你知還有幾多公里, 還有多少分鐘會到, 還會描述車是什麼顏色, 什麼車牌, 令你在等待嘅時候不會焦慮。

4）落車時唔使畀錢, 可以專心照顧行動緩慢嘅老人家, 返到屋企坐定定得閒先至用電子支付慢慢畀錢。有一次我老公唔記得畀錢, 真係成個禮拜都冇追過數, 不過如果前數未清, 下次係打唔到車嘅

建議屋企有行動不便嘅老人家一定要學識用呢個app, 好好用！👍👍👍趁而家, 高德app要攻陷香港市場, 有大額度嘅優惠, 學識佢, 到市場穩定咗, 就冇可能有咁著數。

另外就係順便要學埋用高德地圖：

輸入目的地之後, 安「路線」,他就會一步一步教你如何去到目的地, 開啟播報, 還會有人用聲音教你。

平時有阿仔同老公在身邊, 我都沒有機會學習, 跟住他們行就可以了, 昨日只有我同我阿媽, 我先至係真真正正第一次使用高德地圖。摸索咗好一陣子！

我覺得, 對我哋呢啲方向盲嚟講, 呢個app一定要喺老年之前學識, 咁將來就唔使成日煩啲細路。細路有自己嘅生活, 如果你去邊度都要佢幫忙嘅話, 對佢哋會造成負擔。