米爸去中山辨事了, 昨晚我和米米兩母子去了稻香撐枱腳, $148一個龍蝦伊麵, 加$1有一鍋雲吞雞, $48加了半斤白焯海蝦, 兩母子食到飽飽!(當然還要收茶錢和加一)總共250元埋單。
今次兩母子去吃, 是因為上個禮拜來吃過, 被哪個龍蝦伊麵的龍蝦鮮甜味驚艷了!念念不忘, 所以昨晚又去吃, 今次叫了上次沒有叫的海蝦, 再一次被他的新鮮驚艷了!竟然兩個海鮮都那麼鮮味?!我還以為上次是撞彩才吃到這麼新鮮的龍蝦, 怎料今次也是很新鮮!
稻香終於明白了, 做食肆性價比高的確重要, 但更重要的是食物品質!食物品質如果穩定, 顧客就會長期幫襯!
等爸爸回來, 我們會去吃多次!人越多一起去吃越著數, 上次一家五口去吃人均才一百蚊!
後記:
星期五我們2母子+99+婆婆去食, 竟然失手, 味味餸都偏咸!(除咗咕嚕肉) 唉!上得山多終遇虎!一間食肆唔能夠keep住日日嘅質素一樣, 都係唔掂!稻香嘅股票真係買唔過!
沒有留言:
發佈留言