米米有財運

今晚出街吃飯, 因為我上個月花的錢太少, 所以我叫全家人出去吃飯, 目的是為花錢而花錢。

我想起米米都上了班差不多2個月了, 出了兩次糧了, 衰仔竟然側側膊不提出請我們吃飯！

於是我對米米說：「下次到你請。」

他立即想逃避, 我說：「你返咗工咁耐都冇請我哋食飯喎~」

他吱唔以對。

爸爸插嘴：「由上年媽媽把你的利是錢交回給你之後, 十個月我已替你賺了23%, 你而家多咗五萬, 竟然唔肯請？！」（由於未夠18歲開戶, 所以米米的錢還是放在米爸的股票戶口內, 米米忙學習忙工作, 米爸順手替他低買高賣, 米米有財運, 爸爸不是一定贏的, 要有點運氣, 23%回報率業績比畢菲特還要好。)

米米聽完大喜, 立即多謝爸爸幫手並承諾會請大家吃飯。

我說：「賺咗錢唔用就好似阿邊個咁, 將會攬住幾億入棺材！咁樣有咩意義？賺咗錢要拿一部分來跟家人分享, 不能自私自利和一毛不拔！」

他笑笑表示明白。

孤寒呢樣嘢係天生的, 我說：「第時拍拖咁孤寒會激走女朋友㗎！」