不同的愛法

有一日阿仔突然肯唱「友情歲月」，於是我立即上網找歌詞抄下來給他唱，並錄了起來。因為他是自己喜歡唱才會唱的，他平時很少唱歌，所以他一肯唱我就立即錄。

99聽到就猛讚個孫唱得好聽，叫他升中後參加合唱團。

我說：「他怎會參加合唱團？他喜歡的是電腦，當然參加電腦學會啦！」

99說：「為什麼不能參加合唱團？你做乜咁專制一定要個仔參加電腦學會？」

我說：「唔係我專制，係我觀察到他喜歡電腦多過唱歌好多啊！」

99說阿仔一定喜歡合唱。但阿仔其實最憎合唱，獨唱還肯，合唱一次都不願意，99的說法based on nothing。

阿仔就在我們隔離，我說：「不如問下佢自己。」99又覺得個仔實幫住我，覺得問他不準。

其實個仔做咩成日都企在我嗰邊啫？就係因為我經常估中他心意囉！他曾說：「媽咪，你比我更了解我自己。」

其實我同99都超愛阿仔，每人都想給他最好的東西，但我們的愛法不同。99給個仔自己最喜歡的東西（我肯定給她再年輕一次，她一定參加合唱團），她太喜歡唱歌了；而我給個仔他本人最喜歡的東西。