大家聽落可能會唔高興，但我覺得香港人真係好「港燦」，好好好，我更正，係我本人港燦，不是你們。我發現自己科技大落後，連中國阿婆都識用的科技，我都唔識用。
不過好在我去邊都帶住個仔。
行到餐廳，坐底先知要微信點餐的，冇人幫落單，唯有叫阿仔大人幫手，小朋友學習最快，自己摸索了十分鐘，終於成功下單了！
去超市行行下見到咩「京東到家app」埋單有折，老公就叫阿仔搞，又要下載又要下單，還要輸入資料，煩到噴泡！好在阿仔一搞電子產品就好有毅力，終於搞掂咗。
在大陸行走成日見到啲唔知係乜的東西。
問阿仔，他研究一番就會答到我：「係叉電器來㗎！連個套一起出租的。」
話說我們去了廣州，搭無人駕駛列車：
搭車前當然要買票啦，點知，原來唔知幾耐冇人用過現金買票了，我一入了錢就冇得找（機中冇哂散銀），因為人地用微信付款㗎嘛，使鬼找錢咩！親戚幫我找職員處理，我覺得有點awkward.
還有一樣有趣的東西，廣州的地鐵有防空洞的，聽親戚說，是為了第時打杖可以躲在地下逃避空襲。
希望冇機會用到啦～
沒有留言:
發佈留言