分清「做夢」和「教育」

有一天我和老公去食譚仔米線，坐對面的三個中年女人喋喋不休講起孩子教育。有一個女人說，自從TVB做了「白色強人」之後，坊間就搞了「扮醫生」的課程，課程內容是幫隻青蛙「做手術」，她想個仔參加，個仔當然死都唔肯啦，她對個仔說「咁你第時做唔到醫生喎！」

事後我同老公傾這個女人的想法，一致覺得：做醫生和解剖青蛙課程是沒有關係的。

做醫生最重要是讀得書，如果唔讀得，夠膽解剖只可以做屠夫或厨師。如果讀得書，唔敢解剖可以做內科醫生。所以，如果想個仔讀醫，不是幫他報「白色強人」課程，應該是報中英數課程！

但為什麼坊間有那麼多職業扮演課程，又那麼受歡迎呢？其中一些收費還不便宜呢！

因為家長喜歡發夢，商家喜歡賺錢。這純粹是一場商業行為，不是一場教育。如果想孩子做醫生，更加不應該報「白色強人班」，因為孩子可能自此對這個職業留下恐怖印象。已所不欲，勿施於人，家長自己連魚都不敢劏，就唔好嚇個細路啦～

話時話，孩子若真想玩解剖，落超市買隻急凍魷魚，全部內臟都在，慢慢劏飽佢，才十幾元，使鬼報幾百蚊課程咩！