代阿仔罰抄

昨日阿仔帶錯了常識書，要教新一冊，他帶了舊冊，佢話老師罰抄新一冊的第一課，我一打開，見到咁，即刻O咀。

這個課文的長度抄一次，也太多了吧！

見阿仔食完飯很努力地做功課，但昨日功課很多，眼看再抄埋罰抄，肯定就十點都未上到床睡覺。於是我就幫佢抄咗。

衰仔平時做功課的字體慘不忍睹，我盡量模仿佢的字跡，不過還是寫得太好看了。

我覺得老師都唔會得閒去比對他的字跡的了！罰人的罰咁多，證明佢都唔用心於學生身上，點會認真去看學生的罰抄，就算有所懷疑，我死口唔認，佢亦奈我唔何。

你有張良計，我有過牆梯，阿仔結果九時半終於可以睡覺了！

我說：「你唔好以為我下次會幫你抄吓，今次老師罰得太重了，你今日功課又多，我才幫你的。」

阿仔親了我一親多謝我。

替孩子完成暴力功課，是「 好媽媽勝過好老師」 的作者尹建莉 提出的， 詳細理念可以查考返佢嘅著作。 唔喜歡睇書嘅， 可以在youtube睇佢嘅訪問， 了解佢嘅教育理念。