中國人的宗教信仰

希拉莉曾經講過, 中國呢個國家遲早會滅亡, 因為佢哋並冇國教, 呢個國家冇宗教信仰，所以啲人無法無天，偷呃拐騙。

聽到這些說話嘅時候我都覺得好認同， 但後來 在不同嘅書 我發現 美國嘅犯罪率比起中國更嚴重， 中國國犯罪率主要都係偷呃拐騙， 目的都係為咗錢， 但係美國嘅犯罪主要都係搶劫殺人強姦， 唔一定係為咗錢， 後者似乎更為邪惡。

在「 塑造好男孩」 一書中， 作者指出在美國，
兒童好容易就睇到色情及暴力影片， 有七成嘅人唔知自己嘅爸爸係邊個， 七成係一個好大嘅數目， 所以我反覆再睇清楚，佢真係話七成。

而在「 神探李昌鈺破案實錄」 一書中， 李昌鈺 亦指出美國嘅犯罪率非常之高， 原因呢個國家係冇孝道的觀念，而且佢哋非常強調個人主義。

睇到呢一part嘅時候， 我終於都明白， 原來中國人唔係冇宗教， 中國人嘅宗教就係孝道， 中國人重視祖先，會拜祭祖先，重視光宗耀祖， 最嚴刑峻法係「 連坐法」，「 誅九族」， 即係話無論獎同罰， 都係同屋企人有關嘅。 即係話，中國人好重視家庭觀念， 難怪中國嘅罪犯都係去第二啲省份犯案， 一般罪犯好少喺自己嘅鄉下犯案嘅， 因為怕失禮阿爸阿媽，佢地係出去做世界，然後拿錢返家鄉使。

所以希拉莉講中國會滅亡，其實美國都唔見得好得去邊，槍械不管制， 閒閒地一單槍擊案就死幾十件， 殺人強姦日日都有。